2 ವರ್ಷಗಳ ಹಿಂದೆ 500 ಮತ್ತು ಸಾವಿರ ರೂಪಾಯಿ ನೋಟುಗಳ ಚಲಾವಣೆಯನ್ನು ರದ್ದು ಮಾಡಿದ್ದರಿಂದ ದೇಶದ ಆರ್ಥಿಕತೆ ಹೆಚ್ಚು ಶಿಸ್ತುಬದ್ಧವಾಗಿ ಒಂದು ರೂಪ ಪಡೆದುಕೊಂಡಿತು. ಹೆಚ್ಚು ಆದಾಯ, ಬಡಜನರಿಗೆ ಹೆಚ್ಚು ಸಂಪನ್ಮೂಲ, ಉತ್ತಮ ಮೂಲಭೂತಸೌಕರ್ಯ ಮತ್ತು ನಾಗರಿಕರ ಜೀವನ ಮಟ್ಟ ಕೂಡ ಸುಧಾರಿಸಿದೆ. ಸರಕು ಮತ್ತು ಸೇವಾ ತೆರಿಗೆ ಜಾರಿಯಿಂದ ತೆರಿಗೆ ವ್ಯವಸ್ಥೆಯಿಂದ ತಪ್ಪಿಸಿಕೊಳ್ಳುವುದು ಕಷ್ಟವಾಗಿದೆ ಮತ್ತು ಒಟ್ಟು ದೇಶೀಯ ಉತ್ಪನ್ನ (ಜಿಡಿಪಿ) ಅನುಪಾತದ ಪರೋಕ್ಷ ತೆರಿಗೆ 2014-15ರಲ್ಲಿದ್ದ ಶೇಕಡಾ 4.4ರಿಂದ ಶೇಕಡಾ 5.4ಕ್ಕೆ ಏರಿಕೆಯಾಗಿದೆ ಎಂದರು.