ಇಂದೋರ್: ನಾಲ್ಕರ ಬಾಲಕಿಯ ಮೇಲೆ 22ರ ಕ್ಲೀನರ್ ನಿಂದ ಅತ್ಯಾಚಾರ, ಕೊಲೆ!

ಭೂಪಾಲ್: ಮಧ್ಯ ಪ್ರದೇಶ ಇಂದೋರ್ ದ್ವಾರಕಾಪುರಿ ಪ್ರದೇಶದಿಂದ ಗುರುವಾರ ಕಾಣೆಯಾದ 4 ವರ್ಷ ವಯಸ್ಸಿನ ಶಿಶುವಿಹಾರ ವಿದ್ಯಾರ್ಥಿ ಶನಿವಾರ ಎಂಟು ಕಿ.ಮೀ ದೂರದಲ್ಲಿ ಎಂ.ಜಿ.ರಸ್ತೆ ಪ್ರದೇಶದಲ್ಲಿ  ಶವವಾಗಿ ಪತ್ತೆಯಾಗಿದ್ದಾಳೆ

ಕಾರ್ಮಿಕ ಗುತ್ತಿಗೆದಾರನಾಗಿದ್ದ ಮಗುವಿನ ತಂದೆ ಕೈಕೆಳಗೆ ಸ್ವೀಪರ್ ಆಗಿ ದುಡಿಯುತ್ತಿದ್ದ ವ್ಯಕ್ತಿ ಮಗುವನ್ನು ಕೊಲ್ಲುವ ಮುನ್ನ ಅವಳ ಮೇಲೆ ಅತ್ಯಾಚಾರ ನಡೆಸಿದ್ದನೆನ್ನುವ ಘೋರ ಸತ್ಯ ಬಯಲಾಗಿದೆ.

ಇನ್ನೊಂದು ಆಘಾತಕಾರಿ ಸುದ್ದಿ ಎಂದರೆ ಆರೋಪಿ ಹನಿ ಅಥ್ವಾಲ್ ಈ ಎಂಟು ವರ್ಷಗಳ ಹಿಂದೆ  6 ವರ್ಷದ ಬಾಲಕಿಯನ್ನು ಅತ್ಯಾಚಾರ ನಡೆಸಿ ನೀರಿನ ತೊಟ್ಟಿಯಲ್ಲಿ ಜುಳುಗಿಸಿ ಕೊಂದಿದ್ದನು. ಇದೀಗ ಮನ್ತ್ತೆ ನಾಲ್ಕು ವರ್ಷದ ಮಗುವಿನ ಮೇಲೆ ಅತ್ಯಾಚಾರ ನಡೆಸಿದ್ದಾನೆ.

ದ್ವಾರಕಾಪುರಿಯ ನಿವಾಸಿಯಾಗಿದ್ದ ನಾಲ್ಕರ ಬಾಲಕಿ ಗುರುವಾರ ಮನೆಪಾಠಕ್ಕೆ ತೆರಳಿದ್ದಳು.ಆವೇಳೆ ಹನಿ ಆಕೆಯನ್ನು ಅಪಹರಿಸಿದ್ದಾನೆ ಎನ್ನುವುದು ಸಮೀಪದ ಮನೆಯಲ್ಲಿನ ಸಿಸಿಟಿವಿ ದೃಶ್ಯಾವಳಿಯಿಂದ ಗೊತ್ತಾಗಿದೆ.ಆತ ಕಾರ್ಮಿಒಕ ಗುತಿಗೆದಾರನಾಗಿರುವ ಬಾಲಕಿಯ ತಂದೆಯ ಕೈಕೆಳಗೆ ಕೆಲಸ ಮಾಡುತ್ತಿದ್ದ.

ಶನಿವಾರ ಎಂಜಿ ರಸ್ತೆ ಕೃಷ್ಣಾಪುರ ಸೇತುವೆಯ ಅಡಿಯಲ್ಲಿರುವ ನಲ್ಲಾ ಎಂಬಲ್ಲಿ ಬಾಲಕಿಯ ಮೃತದೇಹ ಪತ್ತೆಯಾಗಿದೆ.ಶವವನ್ನು ಮರಣೋತ್ತರ ಪರೀಕ್ಷೆ ನಡೆಸಲಾಗಿ ಬಾಲಕಿ ಸಾಯುವುದಕ್ಕೆ ಮುನ್ನ ಅತ್ಯಾಚಾರಕ್ಕೆ ಒಳಗಾಗಿದ್ದಳೆನ್ನುವುದು ಖಚಿತವಾಗಿದೆ. ಇದೀಗ ಆರೋಪಿ ಹನಿ ಬಂಧನಕ್ಕೆ ಪ್ರಯತ್ನ ನಡೆದಿದ್ದು ಇಂದೋರ್ ನ ಡಿಐಜಿ ಆತನ ಸುಳಿವು ಕೊಟ್ಟವರಿಗೆ 20,000 ರೂ.ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ.