ಮೋದಿ 'ಶಿವಲಿಂಗದ ಮೇಲಿನ ಚೇಳು' ಹೇಳಿಕೆ: ಶಿವಭಕ್ತ ರಾಹುಲ್ ಕ್ಷಮೆಗೆ ಬಿಜೆಪಿ ಪಟ್ಟು!

ಮೋದಿ ಅವರನ್ನು ಟೀಕಿಸುವ ಭರದಲ್ಲಿ ಶಶಿ ತರೂರ್ ಶಿವಲಿಂಗ ಹಾಗೂ ಶಿವನ ಪಾವಿತ್ರ್ಯತೆಯನ್ನು ನಿಂದಿಸಿದ್ದಾರೆ. ಕಾಂಗ್ರೆಸ್ ಪಕ್ಷದ ನಾಯಕನ ಹೇಳಿಕೆಗೆ ಶಿವಭಕ್ತನಾಗಿರುವ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಕ್ಷಮೆ ಕೇಳಬೇಕು ಎಂದು ಕೇಂದ್ರ ಸಚಿವ ರವಿಶಂಕರ್ ಪ್ರಸಾದ್ ಆಗ್ರಹಿಸಿದ್ದಾರೆ. 

ಬೆಂಗಳೂರಿನ ಸಾಹಿತ್ಯ ಉತ್ಸವದಲ್ಲಿ ' ಭಾನುವಾರ ತನ್ನ ಪುಸ್ತಕ  'The Paradoxical Prime Minister" ದ ಕುರಿತು ಮಾತನಾಡಿದ್ದ ಶಶಿ ತರೂರ್ ಮೋದಿ ಅವರು ಆರ್ ಎಸ್ಎಸ್ ಪಾಲಿಗೆ ನುಂಗಲಾರದ ತುತ್ತಾಗಿದ್ದಾರೆ ಎಂಬುದನ್ನು ಹೇಳುವ ಭರದಲ್ಲಿ "ಆರ್ ಎಸ್ ಎಸ್ ಪಾಲಿಗೆ ಮೋದಿ ಶಿವಲಿಂಗದ ಮೇಲೆ ಕುಳಿತಿರುವ ಚೇಳಿನಂತಾಗಿದ್ದಾರೆ.  ನೀವು ಅದನ್ನು ನಿಮ್ಮ ಕೈಯಿಂದ ತೆಗೆದು ಹಾಕಲೂ ಆಗುವುದಿಲ್ಲ, ಚಪ್ಪಲಿಯಿಂದ ಹೊಡೆಯುವುದಕ್ಕೂ ಆಗುವುದಿಲ್ಲ ಎಂದು ಹೇಳಿದ್ದರು.