ಶಬರಿಮಲೆಗೆ ಮಹಿಳೆ: ಇಂದು ಕೇರಳ ಬಂದ್, ಹಿಂಸಾಚಾರಕ್ಕೆ ವ್ಯಕ್ತಿ ಬಲಿ

ತಿರುವನಂತಪುರಂ: ಶಬರಿಮಎಗೆ ಇಬ್ಬರು ಮಹಿಳೆಯರು ಪ್ರವೇಶಿಸಿದ್ದ ಕಾರಣ ಯುದ್ವಿಗ್ನಗೊಂಡಿರುವ ಕೇರಳದಲ್ಲಿ ಹಿಂಸಾಚಾರ ನಡೆಯಬಹುದೆಂಬ ಗುಪ್ತಚರ ಮಾಹಿತಿ ಹಿನ್ನೆಲೆಯಲ್ಲಿ ಭದ್ರತೆಯನ್ನು ಹೆಚ್ಚಿಸಲಾಗಿದೆ. ಈ ನಡುವೆ ಇಂದು ಬಿಜೆಪಿ ಕೇರಳ ಬಂದ್ ಗೆ ಕರೆ ನೀಡಿದ. 

ಈ ನಡುವೆ ರಾಜ್ಯದಲ್ಲಿ ನಡೆದಿದ್ದ ಕಲ್ಲು ತೂರಾಟದ ವೇಳೆ ಚಂದ್ರನ್ ಉನ್ನಿತನ್ (55)  ಎಂಬ ವ್ಯಕ್ತಿ ಸಾವನ್ನಪ್ಪಿದ್ದಾನೆ ಎಂದು ಪೋಲೀಸರು ಮಾಹಿತಿ ನೀಡಿದ್ದಾರೆ.

ಶಬರಿಮಲೆ ಕರ್ಮ ಸಮಿತಿಯ ಕಾರ್ಯಕರ್ತನಾಗಿದ್ದ ಚಂದ್ರನ್ ಮರಣಕ್ಕೆ ಸಂಬಂಧಿಸಿ ಇಬ್ಬರನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಗುರುವಾರ ಬೆಳಗಿನಿಂದಲೇ ಕೇರಳದಲ್ಲಿ ವ್ಯಾಪಕ ಹಿಂಸಾಚಾರ ನಡೆಇದ್ದ್ದು ಪೊಲೀಸ್ ರಕ್ಷಣೆ ಅಡಿಯಲ್ಲಿ ಶಬರಿಮಲೆ ದೇವಾಲಯಕ್ಕೆ 50 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಹಿಳೆಯರ ಪ್ರವೇಶವನ್ನು ವಿರೋಧಿಸಿ ಬಿಜೆಪಿ ಎರಡು ದಿನಗಳ ಕಾಲ ಪ್ರತಿಭಟನೆಗೆ ಕರೆ ನೀಡಿದೆ. ಅಲ್ಲದೆ ಶಬರಿಮಲೆ ಕರ್ಮ ಸಮಿತಿ ರಾಜ್ಯಾದ್ಯಂತ ಹನ್ನೆರಡು ಗಂಟೆ ಕಾಲ ಹರತಾಳಕ್ಕೆ ಸಹ ಕರೆ ನೀಡಿದೆ.