'ಸೂಪರ್ 30' ಚಿತ್ರ ತೆರಿಗೆ ಮುಕ್ತ, ದೆಹಲಿ ಶಾಲೆಗಳಿಗೆ ಆನಂದ್ ಕುಮಾರ್ 'ಗುರು'

ನವದೆಹಲಿ: ಬಾಲಿವುಡ್ ನಟ ಹೃತಿಕ್ ರೋಷನ್ ನಟನೆಯ 'ಸೂಪರ್ 30' ಚಿತ್ರಕ್ಕೆ ತೆರಿಗೆ ವಿನಾಯ್ತಿ ನೀಡುವುದಾಗಿ ದೆಹಲಿಯ ಉಪ ಮುಖ್ಯಮಂತ್ರಿ ಹಾಗೂ ಶಿಕ್ಷಣ ಸಚಿವ ಮನೀಶ್ ಸಿಸೋಡಿಯಾ ಘೋಷಿಸಿದ್ದಾರೆ.

ಈ ಕುರಿತು ಸರಣಿ ಟ್ವೀಟ್ ಮಾಡಿರುವ ದೆಹಲಿ ಡಿಸಿಎಂ, 'ಸೂಪರ್ 30 ಸಂಸ್ಥೆಯ ಆನಂದ್ ಕುಮಾರ್ ಅವರು ತಮ್ಮನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಅವರ ಕೆಲಸ ಹಾಗೂ ವ್ಯಕ್ತಿತ್ವ ದೇಶದ ಎಲ್ಲಾ ಶಿಕ್ಷಕರಿಗೆ ಮಾದರಿಯಾಗಿದೆ. ಬಡ ಮಕ್ಕಳೂ ಐಐಟಿ-ಜೆಎಎ ಕನಸನ್ನು ಸಾಧಿಸಲು ಇವರು ಪ್ರೇರಣೆಯಾಗಿದ್ದಾರೆ. ಅವರು ನಿಜವಾದ ಅರ್ಥದಲ್ಲಿ 'ಗುರು' ' ಎಂದಿದ್ದಾರೆ.

ಆನಂದ್ ಕುಮಾರ್ ಅವರು ದೆಹಲಿ ಸರ್ಕಾರಿ ಶಾಲೆಯ ಮಕ್ಕಳಿಗೆ ಪ್ರತಿ ತಿಂಗಳು ಒಂದು ತರಗತಿಯನ್ನು ನಡೆಸಲು ಒಪ್ಪಿಕೊಂಡಿರುವುದು ಸಂತಸದ ವಿಷಯ. ಇದು 11 ಹಾಗೂ 12 ತರಗತಿಗಳ ಮಕ್ಕಳಿಗೆ ಆನ್ ಲೈನ್ ಹಾಗೂ ಬೌಧಿಕ ತರಬೇತಿಯಾಗಿರಲಿದೆ ಎಂದು ಸಿಸೋಡಿಯಾ ತಿಳಿಸಿದ್ದಾರೆ.