ನಿತೀಶ್ ಕುಮಾರ್ ಅವರ ಜೆಡಿ(ಯು) ಪಕ್ಷ ಸೇರಬೇಕಾದರೆ ಈ ಒಂದು ಸಣ್ಣ ಕೆಲಸ ಮಾಡಲೇಬೇಕು!

ಪಾಟ್ನಾ: ಜನತಾ ದಳ(ಸಂಯುಕ್ತ) ಪಕ್ಷವನ್ನು ಯಾರಾದರೂ ಸೇರಲು ಬಯಸುತ್ತಿದ್ದರೆ ನೀವೊಂದು ಸಣ್ಣ ಕೆಲಸ ಮಾಡಬೇಕು. ನಿನ್ನೆ ಜೂನ್ 5ರಂದು ವಿಶ್ವ ಪರಿಸರ ದಿನವನ್ನು ಆಚರಿಸಲಾಯಿತು, ಈ ದಿನ ಜನರು ಗಿಡ ನೆಡುವಂತೆ, ಪರಿಸರ ರಕ್ಷಣೆ ಮಾಡುವಂತೆ ಜಾಗೃತಿ ಮೂಡಿಸುವುದು, ಕರೆ ನೀಡುವುದು ಇತ್ಯಾದಿ ಮಾಡಲಾಗುತ್ತದೆ. ಅದೇ ರೀತಿ ಬಿಹಾರದ ಜೆಡಿಯು ಪಕ್ಷ ಸೇರಬೇಕೆಂದರೆ ವರ್ಷವಿಡೀ ಗಿಡ ನೆಡಬೇಕು, ಈ ಒಂದು ನಿಯಮ ಪಾಲಿಸಿದರೆ ನಿತೀಶ್ ಕುಮಾರ್ ನೇತೃತ್ವದ ಜೆಡಿಯು ಸದಸ್ಯರಾಗಬಹುದು.

ಜೆಡಿಯುನ ಈ ನಿಯಮದಿಂದಾಗಿ ಕಳೆದ 13 ವರ್ಷಗಳಲ್ಲಿ ಬಿಹಾರದಲ್ಲಿ ಹಸಿರುವಲಯಗಳ ಪ್ರಮಾಣ ಶೇಕಡಾ 6ರಿಂದ ಶೇಕಡಾ 13ಕ್ಕೆ ಏರಿಕೆಯಾಗಿದೆ. ನಮ್ಮ ದೇಶದಲ್ಲಿ ಈ ವಿಶಿಷ್ಟ ಪದ್ದತಿಯನ್ನು ಪಾಲಿಸಿಕೊಂಡು ಬಂದಿರುವ ಏಕೈಕ ಪಕ್ಷ ಜೆಡಿಯು ಆಗಿದೆ.