ಪಾಕ್ ಈ ಉಗ್ರ ಸಂಘಟನೆಗಳನ್ನು ನಿಷೇಧಿಸಿದೆಯಾದರೂ ಅವುಗಳನ್ನು ಕಡಿಮೆ ಅಥವಾ ಮಧ್ಯಮ ರಿಸ್ಕ್ ಇರುವ ಉಗ್ರ ಸಂಸ್ಥೆಗಳೆಂದು ಗುರುತಿಸುತ್ತಿದೆ ಎಂಬುದು ಎಫ್ಎಟಿಎಫ್ ನ ಆಕ್ಷೇಪವಾಗಿದೆ. ಈ ಹಿನ್ನೆಲೆಯಲ್ಲಿ ಎಫ್ ಎಟಿಎಫ್ ನಿಯಮಗಳ ಅನುಸಾರವಾಗಿ ಪಾಕಿಸ್ತಾನ ಈಗಾಗಲೇ ನಿಷೇಧಿಸಿರುವ ಉಗ್ರ ಸಂಘಟನೆಗಳನ್ನು ಹೈ ರಿಸ್ಕ್ ಉಗ್ರ ಸಂಘಟನೆಗಳ ಪಟ್ಟಿಗೆ ಸೇರಿಸಲು ಪಾಕಿಸ್ತಾನ ನಿರ್ಧರಿಸಿದೆ ಎಂದು ತಿಳಿದುಬಂದಿದೆ. ಇನ್ನು ಮುಂದಿನ ದಿನಗಳಲ್ಲಿ ಪಾಕಿಸ್ತಾನ ಗುರುತಿಸಿರುವ ಹೈ-ರಿಸ್ಕ್ ಉಗ್ರ ಸಂಘಟನೆಗಳನ್ನು ಆಡಳಿತಾತ್ಮಕ, ತನಿಖಾ, ಹಣಕಾಸು ಇಲಾಖೆಗಳಿಂದ ಮತ್ತಷ್ಟು ಕಠಿಣ ತಪಾಸಣೆಗೆ ಒಳಪಡಿಸಲಾಗುತ್ತದೆ.