ಪಾಕಿಸ್ತಾನದ ಡ್ರೋಣ್ ಹೊಡೆದುರುಳಿಸಿದ ಬಿಎಸ್ಎಫ್

ಜಮ್ಮು: ಗಡಿ ಭದ್ರತಾ ಸಿಬ್ಬಂದಿಗಳು ಜ.28 ರಂದು ರಾತ್ರಿ ಪಾಕಿಸ್ತಾನದ ಡ್ರೋಣ್ ನ್ನು ಹೊಡೆದುರುಳಿಸಿದೆ. 

ಜಮ್ಮುವಿನ ಅಂತಾರಾಷ್ಟ್ರೀಯ ಗಡಿ ಭಾಗದಲ್ಲಿ ಈ ಘಟನೆ ವರದಿಯಾಗಿದೆ. ಅರ್ನಿಯಾ ಪ್ರದೇಶದ ಫಾರ್ವರ್ಡ್ ಪೋಸ್ಟ್ ನಲ್ಲಿ ಡ್ರೋಣ್ ಕಂಡುಬಂದಿದ್ದನ್ನು ಅಧಿಕಾರಿಗಳು ತಿಳಿಸಿದ್ದಾರೆ.

ಕ್ಯಾಮರಾ ರಹಿತವಾದ ಡ್ರೋಣ್ ಮಾದರಿಯ ವಸ್ತು ಹಾರಾತ ನಡೆಸುತ್ತಿತ್ತು. ಅದನ್ನು ಹೊಡೆದುರುಳಿಸಲಾಗಿದೆ. ಈ ಕುರಿತು ತನಿಖೆ ಮುಂದುವರೆದಿದೆ ಎಂದು ಬಿಎಸ್ಎಫ್ ನ ಐಜಿ ಜಮ್ಮು ಫ್ರಂಟಿಯರ್ ಎನ್ಎಸ್ ಜಮ್ವಾಲ್ ಹೇಳಿದ್ದಾರೆ.