ಐ- ಪಿಎಸಿ, ಟಿಎಂಸಿ ಒಪ್ಪಂದ 2026 ರವರೆಗೂ ವಿಸ್ತರಣೆ

ನವದೆಹಲಿ: ಪಶ್ಚಿಮ ಬಂಗಾಳದಲ್ಲಿ ಇತ್ತೀಚೆಗೆ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಭರ್ಜರಿ ಗೆಲುವು ದಾಖಲಿಸಿದ ನಂತರ, ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ಪ್ರಶಾಂತ್ ಕಿಶೋರ್ ಅವರ ಭಾರತೀಯ ರಾಜಕೀಯ ಕ್ರಿಯಾ ಸಮಿತಿಯ (ಐ-ಪಿಎಸಿ) ಜೊತೆಗಿನ ರಾಜಕೀಯ  ಒಪ್ಪಂದ  ಮುಂದಿನ ಐದು ವರ್ಷಗಳವರೆಗೆ ವಿಸ್ತರಿಸಲಾಗಿದೆ.

2026 ರವರೆಗೆ ಇದನ್ನು ವಿಸ್ತರಿಸುವುದಾಗಿ ನವದೆಹಲಿಯಲ್ಲಿ ಶನಿವಾರ  ಟಿಎಂಸಿ ರಾಜ್ಯಸಭಾ ಸಂಸದ ಡೆರೆಕ್ ಒ'ಬ್ರೇನ್ ತಿಳಿಸಿದ್ದಾರೆ. ಇದರ ಬಗ್ಗೆ ಹೆಚ್ಚಿನ  ಪ್ರತಿಕ್ರಿಯೆ ನೀಡಲು ಬಯಸದ ಅವರು, ಮುಂದಿನ  2024 ರಲ್ಲಿ ಲೋಕಸಭೆ ಸೇರಿದಂತೆ ಮುಂಬರುವ ಚುನಾವಣೆಗಳಲ್ಲಿ ಪಕ್ಷದ  ಗೆಲುವಿನ ಓಟ ಮುಂದುವರಿಸಲು ಸಹಕಾರಿಯಾಗಲಿದೆ  ಎಂದು ಹೇಳಿದರು.

 ಟಿಎಂಸಿಯೊಂದಿಗಿನ ಐಪಿಎಸಿಯ ಸಂಯೋಜನೆಯ ವಿಧಾನ ಔಪಚಾರಿಕಗೊಳಿಸಲಾಗುತ್ತಿದ್ದು  ಮುಂದಿನ ಸಾರ್ವತ್ರಿಕ ಚುನಾವಣೆಗಳಲ್ಲಿ ರಾಷ್ಟ್ರ  ರಾಜಕೀಯದಲ್ಲಿ ಟಿಎಂಸಿ ಮಹತ್ತರ ಪಾತ್ರ ವಹಿಸಲಿದೆ ಎಂದು ಘೋಷಿಸಲಾಗಿದೆ.

ಸಂಸದರನ್ನು ಹೊಂದಿರುವ ಟಿಎಂಸಿ  ಕಾಂಗ್ರೆಸ್ ನಂತರ ಲೋಕಸಭೆಯಲ್ಲಿ ಎರಡನೇ ಅತಿದೊಡ್ಡ ವಿರೋಧ ಪಕ್ಷವಾಗಿದೆ. 294 ಸದಸ್ಯರ ಪಶ್ಚಿಮ ಬಂಗಾಳ ವಿಧಾನಸಭೆಯಲ್ಲಿ 213 ಸ್ಥಾನಗಳನ್ನು ಗೆಲ್ಲುವ ಮೂಲಕ ಪಶ್ಚಿಮ ಬಂಗಾಳದಲ್ಲಿ ಟಿಎಂಸಿಗೆ ಸತತ ಮೂರನೇ ಅವಧಿಗೆ ಅಧಿಕಾರ  ಪಡೆಯುವಲ್ಲಿ ಐ-ಪಿಎಸಿ ಮಹತ್ವದ ಪಾತ್ರ ವಹಿಸಿತ್ತು.