ವಿಶಾಖಪಟ್ಟಣಂ: ಪ್ರೀತಿ ತಿರಸ್ಕಾರ ಮಾಡಿದ ಯುವತಿ ಮೇಲೆ ಕೋಪ ತೀರಿಸಿಕೊಳ್ಳುವ ಉದ್ದೇಶದಿಂದ ಇಲ್ಲೋರ್ವ ಮಾಡಬಾರದ್ದನ್ನು ಮಾಡಿ ಪೊಲೀಸರ ಅತಿಥಿಯಾಗಿದ್ದಾನೆ.
ತನ್ನ ಪ್ರೇಯಸಿಗೆ ಗಾಂಜಾ ಗಿಫ್ಟ್ ಆಗಿ ನೀಡಿ, ಕೊನೆಗೆ ತಾನೇ ಪೊಲೀಸರ ಅತಿಥಿಯಾಗಿದ್ದಾನೆ. ಈ ಘಟನೆ ಆಂಧ್ರಪ್ರದೇಶದ ವಿಶಾಖಪಟ್ಟಣಂದಲ್ಲಿ ಈ ಜರುಗಿದೆ.
ವಿನಯ್ ಕುಮಾರ್ (25) ಈ ಕೃತ್ಯ ಎಸಗಿದವ. ತಾನು ವ್ಯಾಸಂಗ ಮಾಡುತ್ತಿದ್ದ ವೇಳೆ ತನ್ನೊಂದಿಗೆ ವ್ಯಾಸಂಗ ಮಾಡಿದ್ದ ಹುಡುಗಿಯನ್ನೇ ಪ್ರೀತಿಸುತ್ತಿದ್ದನು. ಆಕೆಯ ಮುಂದೆ ತನ್ನ ಪ್ರೇಮ ನಿವೇದನೆ ಸಹ ಮಾಡಿಕೊಂಡಿದ್ದಾನೆ. ಈ ವೇಳೆ ಯುವತಿ ಪ್ರೇಮ ಪ್ರಸ್ತಾಪ ತಿರಸ್ಕಾರ ಮಾಡಿದ್ದಕ್ಕೆ ಆಕ್ರೋಶಗೊಂಡ ವಿನಯ್ ಸೇಡು ತೀರಿಸಿಕೊಳ್ಳಲು ಆಲೋಚನೆ ಮಾಡಿದ್ದಾನೆ.
ಈತ ಮಾಡಿದ ಕುತಂತ್ರಿ ಬುದ್ಧಿ ಏನು?
ಯುವತಿ ತನ್ನ ಸ್ನೇಹಿತೆಯರ ಜೊತೆ ಸೇರಿ ಕಳೆದ ಮೇ ತಿಂಗಳಲ್ಲಿ ಶಿರಡಿ ಸಾಯಿ ಎಕ್ಸ್ಪ್ರೆಸ್ ರೈಲಿನಲ್ಲಿ ಸಿಕಂದರಾಬಾದ್ಗೆ ತೆರಳುತ್ತಿದ್ದಳು. ಈ ಮಾಹಿತಿ ಅರಿತ ವಿನಯ್, ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದ್ದಾನೆ. ಸ್ನೇಹದ ಸಂಕೇತವಾಗಿ ಉಡುಗೊರೆವೊಂದನ್ನ ಆ ವೇಳೆ ನೀಡಿದ್ದಾನೆ. ಆದರೆ, ಅದರಲ್ಲಿ 3 ಕೆಜಿ ಗಾಂಜಾ ಇದೆ ಎಂಬುದು ಮಾತ್ರ ಅವಳಿಗೆ ಗೊತ್ತಾಗಿರಲಿಲ್ಲ.
ರೈಲು ಹೊರಡುತ್ತಿದ್ದಂತೆ ರೈಲ್ವೇ ಪೊಲೀಸರಿಗೆ ಮಾಹಿತಿ ನೀಡಿದ ಆತ, ಗಾಂಜಾ ಸಾಗಾಣೆ ಮಾಡುತ್ತಿರುವ ಹುಡುಗಿ ಅದರಲ್ಲಿ ಪ್ರಯಾಣ ಬೆಳೆಸಿದ್ದಾಳೆ ಎಂದು ಹೇಳಿದ್ದಾನೆ. ರೈಲು ಸಿಕಂದರಾಬಾದ್ ತಲುಪುತ್ತಿದ್ದಂತೆ ರೈಲ್ವೇ ಪೊಲೀಸರು ಆ ಹುಡುಗಿಯನ್ನ ಹಿಡಿದು ತಪಾಸಣೆ ನಡೆಸಿದಾಗ ಘಟನೆ ಬೆಳಕಿಗೆ ಬಂದಿದೆ. ಆ ವೇಳೆ ಯುವತಿ ನಡೆದಿದ್ದ ಘಟನೆ ಬಗ್ಗೆ ಪೊಲೀಸರಿಗೆ ತಿಳಿಸಿದ್ದಾಳೆ. ಈ ಸಂಬಂಧ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.
Advertisement