ದಾಖಲೆಗಳ ಕದಿಯುವಿಕೆ ಭೀತಿ: ಚೀನಾ ಉತ್ಪನ್ನಗಳಿಂದ ದೂರವಿರಲು ನೀತಿ ರೂಪಿಸಲು ಸೇನೆ ಮುಂದು

ನವದೆಹಲಿ: ಭಾರತೀಯ ಸೇನೆ ಮತ್ತು ರಕ್ಷಣಾ ವಸ್ತುಗಳ ಉತ್ಪಾದನೆ ಇಲಾಖೆಯು ಸೇನೆಗೆ ಸೇರ್ಪಡೆಗೊಳ್ಳುವ ಉಪಕರಣಗಳನ್ನು ಚೀನಾದ ಎಲೆಕ್ಟ್ರಾನಿಕ್ ಬಿಡಿಭಾಗಗಳಿಂದ ಮುಕ್ತವಾಗಿಡುವ ಮಾರ್ಗಗಳ ಕುರಿತು ಚರ್ಚಿಸಿ ಒಂದು ವಿಧಾನ ರೂಪಿಸಲು ನೋಡುತ್ತಿದೆ ಎಂದು ತಿಳಿದುಬಂದಿದೆ.

ಆರ್ಮಿ ಡಿಸೈನ್ ಬ್ಯೂರೋದ ಹೆಚ್ಚುವರಿ ಮಹಾ ನಿರ್ದೇಶಕ ಮೇಜರ್ ಜನರಲ್ ಸಿಎಸ್ ಮನ್ ಅವರು ಸೇವೆಯಲ್ಲಿ ಮತ್ತು ರಕ್ಷಣಾ ಉತ್ಪಾದನೆಯ ವಿಭಾಗದಲ್ಲಿ ಮಾತುಕತೆ ನಡೆಸುತ್ತಿದ್ದಾರೆ ಎಂದು ಹೇಳಿದ್ದಾರೆ. ಯಾವುದೇ ಸಮಯ ನಿಗದಿಪಡಿಸದೆ ಈ ನಿರ್ದಿಷ್ಟ ಅಂಶವನ್ನು ಖಚಿತಪಡಿಸಿಕೊಳ್ಳುವ ಸೂಕ್ತ ವಿಧಾನ ಶೀಘ್ರದಲ್ಲೇ ಜಾರಿಗೆ ಬರಲಿದೆ ಎಂದು ಅವರು ಹೇಳಿದರು.

ಸರ್ಕಾರವು ಇತ್ತೀಚೆಗೆ ಕೆಲವು ಕ್ರಮಗಳನ್ನು ತೆಗೆದುಕೊಂಡಿದೆ. ಚೀನೀ ಉಪಕರಣಗಳನ್ನು ಗುರುತಿಸಲು ವಿಧಾನಗಳಿವೆ ಮತ್ತು ಅವುಗಳನ್ನು ಸೇನಾ ಉಪಕರಣಗಳ ಭಾಗವಾಗಿರಲು ನಾವು ಅನುಮತಿ ನೀಡುವುದಿಲ್ಲ ಎಂದು ಮನ್ ಹೇಳಿದರು.

ಸೇನೆಯ ಮುಂಬರುವ ಎರಡು ಕಾರ್ಯಕ್ರಮಗಳಾದ ‘ಹಿಮ್-ಡ್ರೋನ್-ಎ-ಥಾನ್ 2’ ಮತ್ತು ‘ಹಿಮ್‌ಟೆಕ್-2024’ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಇವುಗಳು ಎತ್ತರದ ಪ್ರದೇಶಗಳಲ್ಲಿ ಕಾರ್ಯಾಚರಣೆಗಾಗಿ ಮಿಲಿಟರಿ ತಂತ್ರಜ್ಞಾನಗಳನ್ನು ಬಳಸಿಕೊಳ್ಳಲು ವಿನ್ಯಾಸಗೊಳಿಸಿದ್ದಾಗಿದೆ.

ಎತ್ತರದ ಪ್ರದೇಶ ಮತ್ತು ಅದರ ವಿಶಿಷ್ಟತೆಗಳ ಅನುಭವವನ್ನು ನೀಡಲು ಉತ್ತರ ಕಮಾಂಡ್ ಅಡಿಯಲ್ಲಿ ಲೇಹ್‌ನಲ್ಲಿ ಕಾರ್ಯಕ್ರಮ ನಡೆಸಲಾಗುತ್ತದೆ.

ಇತ್ತೀಚೆಗೆ ಭಾರತೀಯ ಸೇನೆಯು ಚೀನಾದ ಘಟಕಗಳನ್ನು ಬಳಸುವ ಡ್ರೋನ್ ಕಂಪನಿಯೊಂದಿಗೆ ಒಪ್ಪಂದವನ್ನು ತಡೆಹಿಡಿಯಿತು. ಮನ್ ಅವರ ಅಭಿಪ್ರಾಯವನ್ನು ಎಫ್ ಐಸಿಸಿಐ ಡ್ರೋನ್ಸ್ ಸಮಿತಿಯ ಸಹ-ಅಧ್ಯಕ್ಷ ಆಶಿಶ್ ಕನ್ಸಾಲ್ ಹಂಚಿಕೊಂಡಿದ್ದಾರೆ, ಸರಬರಾಜು ಪೂರೈಕೆ ಘಟಕಗಳು ಚೀನೀ ಘಟಕಗಳ ಮೇಲೆ ಅವಲಂಬಿತವಾಗಿದೆ ಎಂದು ಹೇಳಿದರು. ಚೀನಾದಿಂದ ಯಾವುದೇ ವಿದ್ಯುನ್ಮಾನ ಘಟಕವು ಯಾವುದೇ ವ್ಯವಸ್ಥೆಗಳ ಭಾಗವಾಗಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಉದ್ಯಮವು ಜಾಗೃತ ಪ್ರಯತ್ನಗಳನ್ನು ಮಾಡುತ್ತಿದೆ. ಆದಾಗ್ಯೂ, ಚೀನಾ ಇಂದು ಜಾಗತಿಕ ಪೂರೈಕೆ ಸರಪಳಿಯ ಭಾಗವಾಗಿದೆ ಎಂದರು.