ಟ್ರಂಪ್ ಆದೇಶ: ವೀಸಾಗಳಿಗಾಗಿ ಕಾಯುವಿಕೆ ಅವಧಿ ಇನ್ನು ಮುಂದೆ ಮತ್ತಷ್ಟು ಹೆಚ್ಚು! ಡ್ರಾಪ್‌ಬಾಕ್ಸ್ ಅರ್ಹತಾ ಅವಧಿ 12 ತಿಂಗಳಿಗೆ ಇಳಿಕೆ

ಭಾರತ ಸೇರಿದಂತೆ ವಿಶ್ವದ ಹಲವು ಭಾಗಗಳಲ್ಲಿ ಅಮೆರಿಕದ ರಾಯಭಾರ ಕಚೇರಿಗಳಾಗಿ ಅಮೆರಿಕಕ್ಕೆ ಪ್ರವೇಶ ಬಯಸುವವರಿಗೆ ಕಠಿಣ ವೀಸಾ ನಿಯಮಗಳು ಕಾಯುತ್ತಿವೆ. ಅಧ್ಯಕ್ಷ ಟ್ರಂಪ್ ಅವರ ಜನವರಿ 20 ರ ಆದೇಶ ಜಾರಿ ಹಂತದಲ್ಲಿದ್ದು ಒಮ್ಮೆ ಪೂರ್ಣಗೊಂಡರೆ ವೀಸಾಗಾಗಿ ಕಾಯುವ ಸಮಯ ಮತ್ತಷ್ಟು ವಿಳಂಬದ್ದಾಗಿರಲಿದೆ.

"ವಿದೇಶಾಂಗ ಇಲಾಖೆಯು ಕಾರ್ಯನಿರ್ವಾಹಕ ಆದೇಶದ ನಿರ್ದೇಶನದಂತೆ ವೀಸಾ ಕಾರ್ಯಕ್ರಮದ ಸಂಪೂರ್ಣ ಪರಿಶೀಲನೆಯನ್ನು ನಡೆಸುತ್ತಿದೆ" ಎಂದು ಅಮೆರಿಕದ ಸರ್ಕಾರಿ ಅಧಿಕಾರಿಯೊಬ್ಬರು ದೃಢಪಡಿಸಿದ್ದಾರೆ.

ವಿದೇಶಿ ಭಯೋತ್ಪಾದಕರು ಮತ್ತು ಇತರ ರಾಷ್ಟ್ರೀಯ ಭದ್ರತೆ ಮತ್ತು ಸಾರ್ವಜನಿಕ ಸುರಕ್ಷತಾ ಬೆದರಿಕೆಗಳಿಂದ ಅಮೆರಿಕವನ್ನು ರಕ್ಷಿಸುವುದಕ್ಕೆ ಸಂಬಂಧಿಸಿದಂತೆ ಕಾರ್ಯನಿರ್ವಾಹಕ ಆದೇಶ 14161 ರ ವಿಷಯವಾಗಿ ವಿದೇಶಾಂಗ ಕಾರ್ಯದರ್ಶಿ, ಅಟಾರ್ನಿ ಜನರಲ್, ಗೃಹ ಭದ್ರತಾ ಕಾರ್ಯದರ್ಶಿ ಮತ್ತು ರಾಷ್ಟ್ರೀಯ ಗುಪ್ತಚರ ನಿರ್ದೇಶಕರು 60 ದಿನಗಳ ಒಳಗೆ ಅಧ್ಯಕ್ಷರಿಗೆ ವರದಿಯನ್ನು ಸಲ್ಲಿಸಬೇಕಿದೆ.

ಈ ವರದಿಯು ಅಸಮರ್ಪಕ ಪರಿಶೀಲನೆ ಮತ್ತು ಸ್ಕ್ರೀನಿಂಗ್ ಕಾರ್ಯವಿಧಾನಗಳನ್ನು ಹೊಂದಿರುವ ದೇಶಗಳನ್ನು ಗುರುತಿಸುತ್ತದೆ ಮತ್ತು ಆ ದೇಶಗಳ ಪ್ರಜೆಗಳ ಪ್ರವೇಶದ ಮೇಲೆ ಭಾಗಶಃ ಅಥವಾ ಪೂರ್ಣ ಅಮಾನತುಗಳನ್ನು ಶಿಫಾರಸು ಮಾಡುತ್ತದೆ.

ಯುಎಸ್ ವೀಸಾಗಳನ್ನು ನವೀಕರಿಸಲು ಯೋಜಿಸುತ್ತಿರುವ ಭಾರತೀಯ ಪ್ರಯಾಣಿಕರು ಈಗ ಹೊಸ ಸವಾಲನ್ನು ಎದುರಿಸುವ ಸಾಧ್ಯತೆಗಳಿವೆ.

ಹೊಸ ಆದೇಶಕ್ಕೆ ಅನುಗುಣವಾಗಿ, ಅಮೆರಿಕದ ವಿದೇಶಾಂಗ ಇಲಾಖೆ ವೀಸಾ ಸಂದರ್ಶನ ವಿನಾಯಿತಿ (ಡ್ರಾಪ್‌ಬಾಕ್ಸ್) ಅರ್ಹತಾ ಅವಧಿಯನ್ನು 48 ತಿಂಗಳುಗಳಿಂದ ಕೇವಲ 12 ತಿಂಗಳುಗಳಿಗೆ ಇಳಿಸಿದೆ, ಇದು ಸಾವಿರಾರು ಭಾರತೀಯ ಅರ್ಜಿದಾರರಿಗೆ ಹೆಚ್ಚಿನ ಕಾಯುವಿಕೆಗೆ ಕಾರಣವಾಗುತ್ತದೆ.

ಈ ಬದಲಾವಣೆಯು ವಲಸೆರಹಿತ ವೀಸಾ ಹೊಂದಿರುವವರ ಮೇಲೆ ಪರಿಣಾಮ ಬೀರುತ್ತದೆ, ಉದಾಹರಣೆಗೆ H-1B ಮತ್ತು B1/B2 ವೀಸಾಗಳನ್ನು ಹೊಂದಿರುವವರು. H1 B ವೀಸಾ ವಿಶೇಷ ಉದ್ಯೋಗಕ್ಕಾಗಿ ಉದ್ದೇಶಿಸಲಾಗಿದೆ, ಮತ್ತು B1 ಮತ್ತು B 2 ವೀಸಾ B-1/B-2 ವೀಸಾ ವಲಸೆರಹಿತ ವೀಸಾವಾಗಿದ್ದು, ವಿದೇಶಿ ನಾಗರಿಕರು ವ್ಯಾಪಾರ ಅಥವಾ ಪ್ರವಾಸೋದ್ಯಮಕ್ಕಾಗಿ ಯುನೈಟೆಡ್ ಸ್ಟೇಟ್ಸ್‌ಗೆ ಭೇಟಿ ನೀಡಲು ಅನುವು ಮಾಡಿಕೊಡುತ್ತದೆ. ಇದನ್ನು ಎರಡೂ ಉದ್ದೇಶಗಳಿಗೂ ಬಳಸಬಹುದಾಗಿದೆ.

H-1B ಮತ್ತು B1/B2 ಪಡೆದ ವ್ಯಕ್ತಿಗಳು ಈ ಹಿಂದೆ COVID-19 ಸಾಂಕ್ರಾಮಿಕ ಸಮಯದಲ್ಲಿಯೂ ಅನಾನುಕೂಲ ಎದುರಿಸಿದ್ದರು.

ಟ್ರಂಪ್ ಅವರ ಆದೇಶ "ಜನವರಿ 19, 2021 ರಂದು ಅಸ್ತಿತ್ವದಲ್ಲಿದ್ದ ಏಕರೂಪದ ಬೇಸ್‌ಲೈನ್‌ಗೆ ಅನುಗುಣವಾಗಿ ಸ್ಕ್ರೀನಿಂಗ್ ಮತ್ತು ಪರಿಶೀಲನೆಗಾಗಿ ಏಕರೂಪದ ಬೇಸ್‌ಲೈನ್ ನ್ನು ಮರುಸ್ಥಾಪಿಸಲು ಪ್ರಯತ್ನಿಸುತ್ತದೆ, ಇದನ್ನು ವೀಸಾ ಅಥವಾ ವಲಸೆಯನ್ನು ಬಯಸುವ ಯಾವುದೇ ವಿದೇಶಿಯರಿಗೆ ಅನ್ವಯಿಸಲಾಗುತ್ತದೆ."

ನವೆಂಬರ್ 2022 ರಿಂದ, ಪ್ರಯಾಣಿಕರು ತಮ್ಮ ಹಿಂದಿನ ವೀಸಾ 48 ತಿಂಗಳೊಳಗೆ ಅವಧಿ ಮುಗಿದಿದ್ದರೆ ಸಂದರ್ಶನವಿಲ್ಲದೆ ತಮ್ಮ ಯುಎಸ್ ವೀಸಾವನ್ನು ನವೀಕರಿಸಲು ಸಾಧ್ಯವಿದೆ. ಆದಾಗ್ಯೂ, ಈ ಅವಧಿಯನ್ನು ಈಗ ಕೇವಲ 12 ತಿಂಗಳುಗಳಿಗೆ ಇಳಿಸಲಾಗಿದೆ, ಇದರಿಂದಾಗಿ ಇನ್ನೂ ಅನೇಕ ಅರ್ಜಿದಾರರು ವೈಯಕ್ತಿಕ ಅಪಾಯಿಂಟ್‌ಮೆಂಟ್ ನ್ನು ನಿಗದಿಪಡಿಸಬೇಕಾಗುತ್ತದೆ.

2023 ರಲ್ಲಿ, 1.76 ಮಿಲಿಯನ್‌ಗಿಂತಲೂ ಹೆಚ್ಚು ಭಾರತೀಯರು ಯುಎಸ್‌ಗೆ ಭೇಟಿ ನೀಡಿದ್ದರು, ಯುಕೆ ನಂತರ ಭಾರತ ಈಗ ಯುಎಸ್‌ಗೆ ಅಂತರರಾಷ್ಟ್ರೀಯ ಸಂದರ್ಶಕರ ಎರಡನೇ ಅತಿದೊಡ್ಡ ಮೂಲವಾಗಿದೆ.