ಪರಸ್ಪರ ಬಡಿದಾಡಿಕೊಂಡು ಸತ್ತ ದಂಪತಿ: ದಿಯೋಘರ್ ನಲ್ಲಿ ಭೀಭತ್ಸ ಘಟನೆ

ನವದೆಹಲಿ: ಜಾರ್ಖಂಡ್‌ನ ದಿಯೋಘರ್ ಜಿಲ್ಲೆಯಲ್ಲಿ ಬುಧವಾರ ದಂಪತಿಗಳ ನಡುವೆ ವೈವಾಹಿಕ ಕಲಹಕ್ಕೆ ಸಂಬಂಧಿಸಿದ ಘರ್ಷಣೆ ಇಬ್ಬರ ಸಾವಿನಲ್ಲಿ ಕೊನೆಗೊಂಡಿದೆ.

ದೇವಘರ್ ಪಟ್ಟಣದ ಬೆಲಾಬಗನ್ ಪ್ರದೇಶದಲ್ಲಿ ಬಾಡಿಗೆಗೆ ವಾಸವಿದ್ದ ರವಿ ಶರ್ಮಾ (30) ಮತ್ತು ಲವ್ಲಿ ಶರ್ಮಾ (24) ಮೃತ ದಂಪತಿಯಾಗಿದ್ದಾರೆ.

"ಪ್ರಾಥಮಿಕ ತನಿಖೆಯ ಪ್ರಕಾರ ಮಂಗಳವಾರ ರಾತ್ರಿ ವೈವಾಹಿಕ ಕಲಹದ ಕಾರಣ ದಂಪತಿಗಳು ಪರಸ್ಪರ ಹೊಡೆದಾಡಿಕೊಂಡಿದ್ದಾರೆ. ಇಬ್ಬರ ದೇಹಗಳಲ್ಲಿಯೂ ಹರಿತವಾದ ಆಯುಧದಿಂದ ಗಾಯಗಳಾಗಿವೆ... ಸ್ಥಳದಲ್ಲಿ ಚಾಕು ಪತ್ತೆಯಾಗಿದೆ" ಎಂದು ಪಟ್ಟಣ ಪೊಲೀಸ್ ಠಾಣಾಧಿಕಾರಿ ರಾಜೀವ್ ಕುಮಾರ್ ಹೇಳಿದ್ದಾರೆ.

ಆದಾಗ್ಯೂ, ಸಾವಿನ ಹಿಂದಿನ ನಿಜವಾದ ಕಾರಣವನ್ನು ಸರಿಯಾದ ತನಿಖೆಯ ನಂತರವೇ ಖಚಿತಪಡಿಸಿಕೊಳ್ಳಬಹುದು ಎಂದು ಅವರು ಹೇಳಿದರು. ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಹೇಳಿದರು.

ರವಿ ಶರ್ಮಾ ಬಿಹಾರದ ಸಿವಾನ್‌ನವರಾಗಿದ್ದರೆ, ಅವರ ಪತ್ನಿ ದಿಯೋಘರ್‌ನ ಜೂನ್ ಪೋಖರ್ ಪ್ರದೇಶದವರು ಎಂದು ಅವರು ಹೇಳಿದ್ದಾರೆ.