76th Constitution Day: ಭಾರತದ ಸಂವಿಧಾನ ಅಂಗೀಕಾರ ದಿನ, 9 ಭಾಷೆಗಳಲ್ಲಿ ಬಿಡುಗಡೆ

ಇಂದು ನವೆಂಬರ್ 26, ಭಾರತೀಯ ಸಂವಿಧಾನದ ಅಂಗೀಕಾರದ 76 ನೇ ವಾರ್ಷಿಕೋತ್ಸವವನ್ನು ಸಂವಿಧಾನ್ ದಿವಸ್ ಎಂದೂ ಕರೆಯುತ್ತಾರೆ.

ಭಾರತವು ಸಂವಿಧಾನ ದಿನವನ್ನು ಇಂದು ಆಚರಿಸಿದೆ. ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಹಳೆಯ ಸಂಸತ್ತಿನ ಕಟ್ಟಡದ ಐತಿಹಾಸಿಕ ಸೆಂಟ್ರಲ್ ಹಾಲ್‌ನಲ್ಲಿ ಆಚರಣೆಗಳ ನೇತೃತ್ವ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ನವೆಂಬರ್ 26, 1949 ರಂದು ಸಂವಿಧಾನದ ಅಂಗೀಕಾರಕ್ಕೆ ಗೌರವ ಸಲ್ಲಿಸಲಾಯಿತು. ನ್ಯಾಯ, ಸ್ವಾತಂತ್ರ್ಯ, ಸಮಾನತೆ ಮತ್ತು ಭ್ರಾತೃತ್ವದ ಮೂಲ ಮೌಲ್ಯಗಳನ್ನು ಎತ್ತಿ ತೋರಿಸಿತು.

ಈ ದಿನದ ಸ್ಮರಣಾರ್ಥ ಸಂವಿಧಾನ ದಾಖಲೆಯನ್ನು ಮೊದಲ ಬಾರಿಗೆ ಬೋಡೋ ಮತ್ತು ಕಾಶ್ಮೀರಿ ಸೇರಿದಂತೆ ಒಂಬತ್ತು ಭಾಷೆಗಳಲ್ಲಿ ಇಂದು ರಾಷ್ಟ್ರಪತಿ ದ್ರೌಪದಿ ಮರ್ಮುು ಬಿಡುಗಡೆ ಮಾಡಿದರು.

ಇಂದು ನಡೆದ ಕಾರ್ಯಕ್ರಮದಲ್ಲಿ ಕಲಾವಿದ ನಂದಿಲಾಲ್ ಬೋಸ್ ಮತ್ತು ಅವರ ತಂಡದಿಂದ 'ಭಾರತೀಯ ಸಂವಿಧಾನದಲ್ಲಿ ಕಲೆ ಮತ್ತು ಕ್ಯಾಲಿಗ್ರಫಿ' ಕುರಿತು ಪ್ರದರ್ಶನವನ್ನು ಅನಾವರಣಗೊಳಿಸಲಾಯಿತು.

ಮೊದಲ ಬಾರಿಗೆ ಬೋಡೋ ಮತ್ತು ಕಾಶ್ಮೀರಿ ಭಾಷೆಗಳನ್ನು ಸಂವಿಧಾನದಲ್ಲಿ ಅಳವಡಿಸಲಾಗುತ್ತಿದೆ ಎಂದರು. ಮಲಯಾಳಂ, ಮರಾಠಿ, ನೇಪಾಳಿ, ಪಂಜಾಬಿ, ತೆಲುಗು, ಉರಿಯಾ ಮತ್ತು ಅಸ್ಸಾಮಿ ಭಾಷೆಗಳಲ್ಲಿ ನವೀಕರಿಸಿದ ಅನುವಾದಗಳು ಸಹ ಇಂದು ಬಿಡುಗಡೆಗೊಂಡವು.