ದಾಖಲೆ ಸರಿಯಿಲ್ಲ ಎಂದು ಮಸೀದಿಗೆ ಬೀಗ ಜಡಿದ ಸರ್ಕಾರ: 1988ರಿಂದ ನಾವು ಅಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಿದ್ದೇವೆ ಎಂದು ಮುಸ್ಲಿಮರ ವಾದ!

ಡೆಹ್ರಾಡೂನ್: ಥಾನೋ ಪ್ರದೇಶದ ಹಳೆಯ ಮಸೀದಿಗೆ ಸರ್ಕಾರ ಬೀಗ ಜಡಿದ ನಂತರ ಮುಸ್ಲಿಂ ಸಂಘಟನೆಗಳು ಬೀದಿಗಿಳಿದಿವೆ. ಜಿಲ್ಲಾ ಮ್ಯಾಜಿಸ್ಟ್ರೇಟ್ ಕಚೇರಿಯ ಹೊರಗೆ ಮುಸ್ಲಿಂ ಸೇವಾ ಸಂಘಟನ್ ಪ್ರತಿಭಟನೆ ನಡೆಸಿ ಅದನ್ನು ಮತ್ತೆ ತೆರೆಯುವಂತೆ ಒತ್ತಾಯಿಸಿದೆ. ನಿರ್ಮಾಣ ಮತ್ತು ಭೂ ಸಂಬಂಧಿತ ದಾಖಲೆಗಳಲ್ಲಿನ ಅಕ್ರಮಗಳ ತನಿಖೆಯ ನಂತರ ಮೂರು ದಿನಗಳ ಹಿಂದೆ ಮಸ್ಸೂರಿ-ಡೆಹ್ರಾಡೂನ್ ಅಭಿವೃದ್ಧಿ ಪ್ರಾಧಿಕಾರ (MDDA) ಮಸೀದಿಯನ್ನು ಸೀಲ್ ಮಾಡಿತು.

ಈ ಕ್ರಮವು ಸ್ಥಳೀಯ ನಿವಾಸಿಗಳು ಮತ್ತು ಮುಸ್ಲಿಂ ಸೇವಾ ಸಂಘಟನೆಯಿಂದ ತೀವ್ರ ಟೀಕೆಗೆ ಗುರಿಯಾಗಿದೆ. ಇದು ಕ್ರಮವನ್ನು 'ಏಕಪಕ್ಷೀಯ' ನಿರ್ಧಾರ ಎಂದು ಕರೆದಿದ್ದು ಈ ಬಗ್ಗೆ ಉನ್ನತ ಮಟ್ಟದ ನಿಷ್ಪಕ್ಷಪಾತ ತನಿಖೆಯನ್ನು ಕೋರಿದೆ. ಸಂಘಟನ್ ಸದಸ್ಯರು ಮತ್ತು ಸ್ಥಳೀಯ ನಿವಾಸಿಗಳು ಹೆಚ್ಚಿನ ಸಂಖ್ಯೆಯ ಜಿಲ್ಲಾಧಿಕಾರಿ ಕಚೇರಿಗೆ ಮೆರವಣಿಗೆ ನಡೆಸಿ, ಸರ್ಕಾರ ಮತ್ತು ಆಡಳಿತದ ವಿರುದ್ಧ ಘೋಷಣೆಗಳನ್ನು ಕೂಗಿದರು. ಮಸೀದಿಯಲ್ಲಿ ದಶಕಗಳಿಂದ ಪ್ರಾರ್ಥನೆ ಸಲ್ಲಿಸುತ್ತಿರುವ ಸಾವಿರಾರು ಜನರ ಧಾರ್ಮಿಕ ಭಾವನೆಗಳಿಗೆ ಸೀಲ್ ಹಾಕಲಾಗಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.

ಥಾನೋದಲ್ಲಿರುವ ಜಾಮಾ ಮಸೀದಿಯನ್ನು ಸ್ಥಳೀಯ ಜನರಿಗೆ ವರ್ಷಗಳಿಂದ ನಂಬಿಕೆಯ ಕೇಂದ್ರವಾಗಿದೆ. ಪೂರ್ವ ಸೂಚನೆ, ಮಾತುಕತೆ ಅಥವಾ ಯಾವುದೇ ಪರ್ಯಾಯ ಪ್ರಕ್ರಿಯೆಯಿಲ್ಲದೆ ಮುಚ್ಚುವುದು ಅನುಚಿತ ಮಾತ್ರವಲ್ಲ, ಸಮುದಾಯದ ಭಾವನೆಗಳಿಗೆ ತೀವ್ರ ನೋವುಂಟು ಮಾಡಿದೆ ಎಂದು ಮುಸ್ಲಿಂ ಸೇವಾ ಸಂಘಟನೆಯ ಅಧ್ಯಕ್ಷ ನಯೇಮ್ ಅಹ್ಮದ್ ಖುರೇಷಿ TNIE ಜೊತೆ ಮಾತನಾಡುತ್ತಾ ಹೇಳಿದರು.

1988ರಿಂದ ಮಸೀದಿಯಲ್ಲಿ ಪ್ರಾರ್ಥನೆ ಸಲ್ಲಿಸಲಾಗುತ್ತಿದೆ. 1992ರ ನಂತರ ದಾಖಲೆಗಳಲ್ಲಿ ಈ ಸ್ಥಳವನ್ನು ಮಸೀದಿ ಎಂದು ದಾಖಲಿಸಲಾಗಿದೆ. ಆದರೂ ಜಿಲ್ಲಾಧಿಕಾರಿಗಳು ಇದನ್ನು ಅಕ್ರಮ ಎಂದು ಕರೆಯುತ್ತಿದ್ದಾರೆ ಎಂದು ಆರೋಪಿಸಿದರು.