'Cockroach Eating Mangoes: 'ಕಾಕ್ರೋಜ್ ಜನತಾ ಪಾರ್ಟಿ ಬೆಂಬಲಿಸಿ ನಟ ಪ್ರಕಾಶ್ ರಾಜ್ ಪೋಸ್ಟ್, ವೈರಲ್!

ನವದೆಹಲಿ: ಬಹುಭಾಷಾ ನಟ ಪ್ರಕಾಶ್ ರಾಜ್ ಇತ್ತೀಚಿಗೆ ಸಾಮಾಜಿಕ ಜಾಲತಾಣ ಎಕ್ಸ್ ನಲ್ಲಿ ಹಂಚಿಕೊಂಡಿರುವ ವಿಡಿಯೋವೊಂದು ಇದೀಗ ಸಖತ್ ವೈರಲ್ ಆಗುತ್ತಿದೆ.

ವಿಡಿಯೋದಲ್ಲಿ ಮಾವಿನ ಹಣ್ಣು ತಿನ್ನುತ್ತಾ ಪ್ರಕಾಶ್ ರಾಜ್ ನೀಡಿರುವ ಹೇಳಿಕೆ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಅವರು ನಟ ಅಕ್ಷಯ್ ಕುಮಾರ್ ಅವರೊಂದಿಗೆ 2019 ರಲ್ಲಿ ಮಾವಿನ ಹಣ್ಣು ಕುರಿತು ನಡೆಸಿದ ಮಾತುಕತೆಗಳನ್ನು ನೆಟ್ಟಿಗರು ಹೋಲಿಕೆ ಮಾಡುವುದರೊಂದಿಗೆ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಎಕ್ಸ್ ನಲ್ಲಿ ಪೋಸ್ಟ್ ಮಾಡಲಾದ ವಿಡಿಯೋದಲ್ಲಿ ಪ್ರಕಾಶ್ ರಾಜ್ ಐಸ್ ಕ್ರೀಂನೊಂದಿಗೆ ಇಮಾಮ್ ಪಸಂದ್ ಮಾವಿನ ಹಣ್ಣು ತಿನ್ನುತ್ತಿರುವುದು ಕಂಡುಬಂದಿದೆ.

ಮಾವಿನ ಹಣ್ಣು ತಿನ್ನುತ್ತಾ "ದೇಖಿಯೇ ಮೋದಿಜಿ, ಆಮ್ ಕೋ ನಾ ಪುರಾ ಐಸೆ ಕಟ್ ಕರ್ಕೆ, ಇಮಾಮ್ ಪಸಂದ್ ಹೈ. ಇಸ್ಮೇ ಐಸ್ ಕ್ರೀಮ್ ದಾಲ್ಕೆ ಜಿರಳೆಗಳು ಐಸೆ ಖತೇ ಹೈ" (“Dekhiye Modiji, aam ko na pura aise cut karke, Imam Pasand hai. Isme ice cream daalke cockroaches aise khate hain) ಎಂದು ಟೀಕಿಸಿದ್ದಾರೆ.

ವಿಡಿಯೋ ಜೊತೆಗೆ ಜಿರಳೆಗಳು ಮಾವಿನ ಹಣ್ಣು ತಿನ್ನುತ್ತಿದೆ ಎಂದು ಪೋಸ್ಟ್ ಮಾಡಿದ್ದಾರೆ. ಇದನ್ನು ಹಲವರು ರಾಜಕೀಯ ವಿಡಂಬನೆ ಎಂದು ಹೇಳಿದರೆ, ಮತ್ತೆ ಕೆಲವರು ಪ್ರಧಾನಿ ಮೋದಿಯವರ 2019 ರ ವೈರಲ್ ಮಾತುಕತೆಗೆ ಲಿಂಕ್ ಮಾಡಿದ್ದಾರೆ.

ಆಕ್ಷ ನಡೆದಿದ್ದ ಮಾತುಕತೆ ವೇಳೆಯಲ್ಲಿ ನಮ್ಮ ಪ್ರಧಾನ ಮಂತ್ರಿ ಮಾವಿನ ಹಣ್ಣು ತಿನ್ನುತ್ತಾರಾ? ಅಂತಾ ಅಕ್ಷಯ್ ಕುಮಾರ್ ಕೇಳಿದ್ದರು. ಮೋದಿ ನಗುವಿನ ಬಳಿಕ ಒಂದು ವೇಳೆ ಮಾವಿನ ಹಣ್ಣು ತಿನ್ನುವುದಾರೆ ಅವುಗಳನ್ನು ಕಟ್ ಮಾಡಿ ತಿನ್ನುವಿರಾ ಅಥವಾ ಬೀಜದೊಂದಿಗೆ ನೇರವಾಗಿ ತಿನ್ನುತ್ತಿರಾ ಅಂತಾ ಕೇಳಿದ್ದರು. ಇದಕ್ಕೆ ಉತ್ತರಿಸಿದ್ದ ಪ್ರಧಾನಿ ಮೋದಿ, ಮಾವಿನ ಹಣ್ಣು ತಿನ್ನುವುದನ್ನು ನಾನು ನಿಜವಾಗಿಯೂ ಖುಷಿಪಡುತ್ತೇನೆ ಎಂದಿದ್ದರು.

ಪ್ರಕಾಶ್ ರಾಜ್ ಅವರ ಪೋಸ್ಟ್ ಗೆ ನೆಟ್ಟಿಗರು ನಾನಾ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. “ಕೀಟಗಳು ಸಹ 'ಅಚ್ಛೇ ದಿನ್' ಅನ್ನು ಆನಂದಿಸಲು ಪ್ರಾರಂಭಿಸಿವೆ ಎಂದು ಬಳಕೆದಾರರೊಬ್ಬ ಪೋಸ್ಟ್ ಮಾಡಿದ್ದರೆ, “ಜಿರಳೆ ಕಮಲ ತಿನ್ನುತ್ತಿದೆ” ಎಂದು ಮತ್ತೋರ್ವ ಪೋಸ್ಟ್ ಮಾಡಿದ್ದಾರೆ.