ವಾಷಿಂಗ್ಟನ್: ಪ್ಲೂಟೋದ ಅಧ್ಯಯನ ನಡೆಸುತ್ತಿರುವ ನ್ಯೂ ಹೊರೈಜೋನ್ ಅಂತರಿಕ್ಷ ನೌಕೆ ಪ್ಲೂಟೋದ ಅತಿ ದೊಡ್ಡ ಉಪಗ್ರಹ ಚಾರೋನ್ ನ ಫೋಟೋವನ್ನು ಸೆರೆ ಹಿಡಿದಿದ್ದು, ಇದನ್ನು ನಾಸಾ ಬಿಡುಗಡೆ ಮಾಡಿದೆ.
ಜುಲೈ ತಿಂಗಳಲ್ಲಿ ಪ್ಲೂಟೋ ಬಳಿ ಸಾಗಿದ ನ್ಯೂ ಹೊರೈಜೋನ್ ನೌಕೆ ಉಪಗ್ರಹ ಚಾರೋನ್ ಫೋಟೋ ತೆಗೆದಿತ್ತು. ಇದು ಹದಿನೈದು ದಿನಗಳ ಹಿಂದೆ ನಾಸಾಗೆ ತಲುಪಿದೆ. ಈ ಪೋಟೋದಲ್ಲಿ ಚಾರೋನ್ ಉಪಗ್ರಹದ ಮೇಲೆ ಭಾರೀ ಗಾತ್ರದ ಕಣಿವೆಗಳಿರುವುದು ಪತ್ತೆಯಾಗಿದೆ. ಈ ಕಣಿವೆಗಳು ಸುಮಾರು 1600 ಕಿ.ಮೀ ಅಗಲ ಹರಡಿಕೊಂಡಿದೆ ಎಂದು ನಾಸಾ ಹೇಳಿದೆ.
ಪ್ರಸ್ತುತ ನ್ಯೂ ಹೊರೈಜೋನ್ ನೌಕೆ ಪ್ಲೂಟೋ ವನ್ನು ದಾಟಿ 500 ಕೋಟಿ ಕಿ.ಮೀ. ದೂರದಲ್ಲಿದ್ದು, ತಾನು ಸೆರೆ ಹಿಡಿಯುತ್ತಿರುವ ಫೋಟಗಳನ್ನು ಕಳುಹಿಸುತ್ತಿದೆ ಎಂದು ನಾಸಾ ವಿಜ್ಞಾನಿಗಳು ತಿಳಿಸಿದ್ದಾರೆ.
