ಹೆಚ್ ಪಿಯಿಂದ ವಿಶ್ವದ ಅತ್ಯಂತ ತೆಳುವಾದ ಲ್ಯಾಪ್ ಟಾಪ್ ಬಿಡುಗಡೆ

ಮಕಾವೊ: ಪ್ರಿಂಟಿಂಗ್ ಹಾಗೂ ಕಂಪ್ಯೂಟರ್ ಉತ್ಪಾದಕ ಹೆಚ್ ಪಿ ಸಂಸ್ಥೆ ಏ.7 ರಂದು ವಿಶ್ವದ ಅತಿ ತೆಳುವಾದ ಲ್ಯಾಪ್ ಟಾಪ್ ನ್ನು ಬಿಡುಗಡೆಗೊಳಿಸಿದ್ದು ಜೂನ್ ತಿಂಗಳ ಮಧ್ಯದಿಂದ ಭಾರತದ ಮಾರುಕಟ್ಟೆಗಳಲ್ಲೂ ಲಭ್ಯವಿರಲಿದೆ.
ಇಂಟೆಲ್ ಕೋರ್ ಐ 5 ಮತ್ತು ಐ7 ಪ್ರೊಸೆಸರ್ ಹೊಂದಿರುವ ಹೆಚ್ ಪಿ ಕಂಪನಿಯ ಸ್ಪೆಕ್ಟರ್ ಲ್ಯಾಪ್ಟಾಪ್ 1 .1 ಕೆಜಿ ತೂಕ, ಎಎಎ ಬ್ಯಾಟರಿಯಷ್ಟೇ (10 .4 ಎಂಎಂ) ತೆಳುವಾಗಿದ್ದು  1 ,249 ಡಾಲರ್ ಬೆಲೆ ನಿಗದಿಪಡಿಸಲಾಗಿದೆ( ಭಾರತದಲ್ಲಿನ ಬೆಲೆ ಇನ್ನಷ್ಟೇ ನಿಗದಿಯಾಗಬೇಕಿದೆ).
ಸ್ಪೆಕ್ಟರ್ ಲ್ಯಾಪ್ ಟಾಪ್ 512 ಜಿಬಿ ಯಷ್ಟು ಸಂಗ್ರಹಣೆ ಸಾಮರ್ಥ್ಯ, 8 ಜಿಬಿಯಷ್ಟು ಮೆಮೊರಿ ಹೊಂದಿದೆ. ವಿಶ್ವದ ಅತಿ ತೆಳುವಾದ ಲ್ಯಾಪ್ ಟಾಪ್ ಸಾಮರ್ಥ್ಯ ಹಾಗೂ ವೈಶಿಷ್ಟ್ಯಗಳ ವಿಷಯದಲ್ಲಿ ಉಳಿದ ಲ್ಯಾಪ್ ಟಾಪ್ ಗಳಿಗಿಂತ ಕಡಿಮೆ ಇಲ್ಲ ಎಂದು ಹೆಚ್ ಪಿ ಏಷ್ಯಾ ಪೆಸಿಫಿಕ್ ಮತ್ತು ಜಪಾನ್ ನ ಉಪಾಧ್ಯಕ್ಷ  ಅನ್ನೆಲೀಸಿ ಒಲ್ಸನ್ ತಿಳಿಸಿದ್ದಾರೆ.