ಭಾರತದಲ್ಲಿ ಇಂಡಸ್‌ ಇಂಡ್‌ ಬ್ಯಾಂಕ್ ಮೊತ್ತ ಮೊದಲಾಗಿ ಬಯೋಮೆಟ್ರಿಕ್ ಪಾಸ್‌ವರ್ಡ್‌ ಅನ್ನು ಪರಿಚಯಿಸಿದ ಬಳಿಕ ಇದೀಗ ಐಸಿಐಸಿಐ ಬ್ಯಾಂಕ್, ಸ್ಟಾಂಡರ್ಡ್‌ ಚಾರ್ಟಡ್‌ರ ಬ್ಯಾಂಕ್, ಡಿಸಿಬಿ ಮುಂತಾಗಿ ಖಾಸಗಿ ಕ್ಷೇತ್ರದ ಹಲವಾರು ಬ್ಯಾಂಕಿಂಗ್ ದಿಗ್ಗಜಗಳು ಈ ವಿನೂತನ ಹಾಗೂ ಶೇ.100ರಷ್ಟು ಭದ್ರತೆಯ ಬಯೋಮೆಟ್ರಿಕ್ ಪಾಸ್ ವರ್ಡ್ ತಾಂತ್ರಿಕತೆಯನ್ನು ತರಾತುರಿಯಿಂದ ಜಾರಿಗೆ ತರುತ್ತಿವೆ. ಆ ಮೂಲಕ ಸದ್ಯದಲ್ಲೇ ಎಲ್ಲ ಬ್ಯಾಂಕುಗಳು ಹಳೇಕಾಲದ, ಸದಾ ನೆನಪಿನಲ್ಲಿ ಇಟ್ಟುಕೊಳ್ಳಲೇಬೇಕಾದ ಪಾಸ್ ವರ್ಡ್ ಕ್ರಮಕ್ಕೆ ಗುಡ್ ಬೈ ಹೇಳಲಿವೆ.
