ಮೆಕ್ಸಿಕೋ: ೭೦ ರಿಂದ ೯೫ ದಶಲಕ್ಷ ವರ್ಷಗಳ ಹಿಂದಿನ ಡೈನೋಸಾರ್ ಪಳೆಯುಳಿಕೆಗಳನ್ನು ಉತ್ತರ ಮೆಕ್ಸಿಕೋ ರಾಜ್ಯ ಚಿಚುವಾಹದಲ್ಲಿ ಪತ್ತೆ ಹಚ್ಚಲಾಗಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ಒಜಿನಾಗ, ಕೊಯಾಮೆ ಡೆಲ್ ಸೊಟೋಲ್ ಮತ್ತು ಅಲ್ದಾಮ ನಗರಸಭೆಗಳ ಪ್ರದೇಶಗಳ ೧೭ ಕ್ಕೂ ಹೆಚ್ಚಿನ ಸ್ಥಳಗಳಲ್ಲಿ ಈ ಪಳೆಯುಳಿಕೆಗಳು ಪತ್ತೆಯಾಗಿವೆ ಎಂದು ರಾಷ್ಟ್ರೀಯ ಮಾನವಶಾಸ್ತ್ರ ಮತ್ತು ಇತಿಹಾಸ ಅಧ್ಯಯನ ಸಂಸ್ಥೆ(ಐ ಎನ್ ಎ ಎಚ್) ತಿಳಿಸಿದೆ ಎಂದು ಇ ಎಫ್ ಇ ನ್ಯೂಸ್ ವರದಿ ಮಾಡಿದೆ.
೬೫ ರಿಂದ ೧೪೫ ದಶಲಕ್ಷ ವರ್ಷಗಳ ಹಿಂದಿನ ಕ್ರೆಟಾಕಿಯೋಸ್ ಸಂದರ್ಭದಲ್ಲಿ, ಈ ಗ್ರಹದ ಈ ಭಾಗದ ಸಮುದ್ರದ ಗಡಿಗಳನ್ನು ತಿಳಿಯಲು ಇದು ಸಹಕರಿಸುತ್ತದೆ ಎಂದು ಕೂಡ ಐ ಎನ್ ಎ ಎಚ್ ತಿಳಿಸಿದೆ.
"ಇವುಗಳಲ್ಲಿ ಹೆಚ್ಚಿನ ಪಳೆಯುಳಿಕೆಗಳು ಸಮುದ್ರ ಕಶೇರುಕಗಳದ್ದಾಗಿವೆ. ಅವುಗಳ ಹೊರ ಕವಚ, ಶಂಬುಕಗಳು ಪತ್ತೆಯಾಗಿವೆ" ಎಂದು ಐ ಎನ್ ಎ ಎಚ್ ತಿಳಿಸಿದೆ.
ಬಾತುಕೋಳಿಯ ಕೊಕ್ಕಿನ ಹಾಡ್ರೋಸೌರಿಡ್ ಡೈನೋಸಾರ್ ನ ಪಾದದ ಚೂರುಗಳು ಅಲ್ದಾಮಾದಲ್ಲಿ ಪತ್ತೆಯಾಗಿವೆ.
Advertisement