ನವದೆಹಲಿ: ಇನ್ನೆರಡು ತಿಂಗಳು ಕಳೆದ ನಂತರ ಕೆಲವು ಮೊಬೈಲ್ ಗಳಲ್ಲಿ ವಾಟ್ಸ್ ಆಪ್ ಕಾರ್ಯನಿರ್ವಹಿಸುವುದಿಲ್ಲ. ನಿರ್ದಿಷ್ಟ ಆಪರೇಟಿಂಗ್ ಸಿಸ್ಟಮ್ ವಾಟ್ಸ್ ಆಪ್ ನೊಂದಿಗೆ ಹೊಂದಾಣಿಕೆ ಕಳೆದುಕೊಳ್ಳುವ ಹಿನ್ನೆಲೆಯಲ್ಲಿ ಕೆಲವು ಮೊಬೈಲ್ ಫೋನ್ ಗಳಲ್ಲಿ ವಾಟ್ಸ್ ಆಪ್ ಕಾರ್ಯನಿರ್ವಹಣೆ ಸ್ಥಗಿತಗೊಳ್ಳಲಿದೆ.
2016 ರ ಅಂತ್ಯಕ್ಕೆ ವಾಟ್ಸ್ ಆಪ್ ಸ್ಥಗಿತಗೊಳ್ಳಲಿರುವ ಮೊಬೈಲ್ ಗಳ ವಿವರ:
ಬ್ಲಾಕ್ ಬೆರಿ ಒಎಸ್ ಹಾಗೂ ಬ್ಲಾಕ್ ಬೆರಿ 10
ನೋಕಿಯಾ ಎಸ್ 40
ನೋಕಿಯಾ ಸಿಂಬಿಯಾನ್ ಎಸ್ 60
ಆಂಡ್ರಾಯ್ಡ್ 2.1 ಹಾಗೂ ಆಂಡ್ರಾಯ್ಡ್ 2.2
ವಿಂಡೋಸ್ ಫೋನ್ 7.1
ಐಫೋನ್ 3 ಜಿಎಸ್/ ಐಒಎಸ್ 6
ನಿರ್ದಿಷ್ಟ ಮೊಬೈಲ್ ಗಳಲ್ಲಿ ವಾಟ್ಸ್ ಆಪ್ ಮೆಸೇಂಜರ್ ಸೇವೆಗಳನ್ನು ಸ್ಥಗಿತಗೊಳಿಸುತ್ತಿರುವುದರ ಬಗ್ಗೆ ಪ್ರಕಟಣೆ ನೀಡಿರುವ ವಾಟ್ಸ್ ಆಪ್, ಸಂಸ್ಥೆ ಮುಂದಿನ 7 ವರ್ಷಗಳಲ್ಲಿ ಆಪ್ ಗಳ ವೈಶಿಷ್ಟ್ಯ( ಆಯ್ಕೆ) ಗಳನ್ನು ವಿಸ್ತರಿಸುವ ಯೋಜನೆ ಹೊಂದಿದೆ. ಆದರೆ ಕೆಲವೊಂದು ಆಪರೇಟಿಂಗ್ ಸಿಸ್ಟಮ್ ಗಳ ಮೂಲಕ ಕಾರ್ಯನಿರ್ವಹಿಸುವ ಮೊಬೈಲ್ ಗಳಲ್ಲಿ ಆಪ್ ನಲ್ಲಿ ನೀಡಲಾಗುವ ಹೊಸ ಆಯ್ಕೆಗಳಿಗೆ ಪೂರಕವಾದ ಸಾಮರ್ಥ್ಯಗಳಿಲ್ಲ. ಈ ಹಿನ್ನೆಲೆಯಲ್ಲಿ ನಿರ್ದಿಷ್ಟ ಒಎಸ್ ನ ಮೊಬೈಲ್ ಗಳಲ್ಲಿ ವಾಟ್ಸ್ ಆಪ್ ಮೆಸೇಂಜರ್ ಸೇವೆಗಳನ್ನು ಸ್ಥಗಿತಗೊಳಿಸುವ ನಿರ್ಧಾರ ಕೈಗೊಳ್ಳಲಾಗಿದೆ. ಇದೊಂದು ಕಠಿಣ ನಿರ್ಧಾರವಾಗಿದ್ದು ಆಪ್ ಆಪ್ ಗ್ರೇಡ್ ಮಾಡುವುದಕ್ಕೆ ಪೂರಕವಾಗಿ ಈ ನಿರ್ಧಾರವನ್ನು ತೆಗೆದುಕೊಳ್ಳಬೇಕಾಯಿತು ಎಂದು ಸಂಸ್ಥೆ ಹೇಳಿದೆ.
