ಈ ಪಂದ್ಯಾವಳಿಯಲ್ಲಿ ಮೂರು ತಂಡಗಳು ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸುವ ಅವಕಾಶವಿದೆ. ಆದಾಗ್ಯೂ ಕೆಲ ತಂಡಗಳು ಸೆಮಿಫೈನಲ್ಗೆ ಅರ್ಹತೆ ಗಿಟ್ಟಿಸದೆ ಹೋದರೂ, ಬಹುತೇಕ ರಿಯೋಗೆ ಅರ್ಹತೆ ಪಡೆಯುವ ಸಾಧ್ಯತೆ ಇದೆ. ಇನ್ನು 60 ನಿಮಿಷಗಳ ಪೂರ್ಣಾವಧಿಯ ಪಂದ್ಯವು 1-1 ಗೋಲುಗಳಿಂದ ಸಮಬಲ ಸಾಧಿಸಿದಾಗ ಫಲಿತಾಂಶಕ್ಕಾಗಿ ಪೆನಾಲ್ಟಿ ಶೂಟೌಟ್ ಗೆ ಮೊರೆ ಹೋಗಲಾಯಿತು. ಪಂದ್ಯದಾದ್ಯಂತ ಸಿಕ್ಕ ಕೆಲವೊಂದು ಅಪೂರ್ವ ಅವಕಾಶಗಳನ್ನು ಕೈಚೆಲ್ಲಿದ ಭಾರತ ವನಿತೆಯರು, ಪೆನಾಲ್ಟಿ ಶೂಟೌಟ್ ನಲ್ಲಿ ಮಾತ್ರ ಎಚ್ಚರಿಕೆ ವಹಿಸಿತು. ಭಾರತದ ಪರ ಅನುಭವಿ ಆಟಗಾರ್ತಿ ವಂದನಾ ಕಟಾರಿಯಾ, ನವಜೋತ್ ಕೌರ್, ಅನುರಾಧ ಥೊಕ್ಚೊಮ್, ರಾಣಿ ರಾಂಪಾಲ್ ಹಾಗೂ ದೀಪಿಕಾ ಗೋಲು ಬಾರಿಸಿದರು.