ಸಿಂಗಾಪುರ್ ಓಪನ್ ಸೂಪರ್ ಸೀರೀಸ್ ಫೈನಲ್: ಸಾಯಿ ಪ್ರಣೀತ್ V/s ಕಿಡಂಬಿ ಶ್ರೀಕಾಂತ್!

ಸಿಂಗಾಪುರ್: ಸಿಂಗಾಪುರ್ ಓಪನ್ ಸೂಪರ್ ಸಿರೀಸ್ ನ ಸೆಮಿ ಫೈನಲ್ ಪಂದ್ಯದಲ್ಲಿ ಭಾರತದ  ಶಟ್ಲರ್ ಬಿ.ಸಾಯಿ ಪ್ರಣೀತ್ ಕೊರಿಯಾದ ಲೀ ಡೋಂಗ್-ಕ್ಯೂನ್ ಅವರನ್ನು ನೇರ ಸೆಟ್ ಗಳಿಂದ ಮಣಿಸಿ ಇದೇ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿದ್ದಾರೆ.

ಜನವರಿ ತಿಂಗಳಲ್ಲಿ ಸೈಯದ್ ಮೋದಿ ಪ್ರಿಕ್ಸ್ ಗೋಲ್ಡ್ ನ ಅಂತಿಮ ಹಂತಕ್ಕೆ ಪ್ರವೇಶಿಸಿದ್ದ ಪ್ರಣೀತ್ ನಂತರ ಭುಜದ ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದರು. ಆದರೆ ತಮ್ಮ ಅಭ್ಯಾಸ ಮತ್ತು ಕಠಿಣ ಪರಿಶ್ರಮವನ್ನು ಮುಂದುವರಿಸಿದ ಪ್ರಣೀತ್ ಮೂರು ಬಾರಿ ಗ್ರಾಂಡ್ ಪ್ರಿಕ್ಸ್ ಗೋಲ್ಡ್ ಗೆದ್ದಿದ್ದ ಕೊರಿಯಾದ ಲೀ ಅವರನ್ನು 21-6 21-8 ಸೆಟ್ ಗಳಿಂದ ಸೋಲಿಸಿ ಅಂತಿಮ ಸುತ್ತು ಪ್ರವೇಶಿಸಿದ್ದಾರೆ.

ಹೈದರಾಬಾದ್ ಮೂಲದ 24 ವರ್ಷದ ಪ್ರಣೀತ್ ಕಳೆದ ವರ್ಷ ಕೆನಡಾ ಓಪನ್ ಸೂಪರ್ ಸಿರೀಸ್ ಪಂದ್ಯ ಗೆದ್ದಿದ್ದರು.