ಬಿಲ್ಲುಗಾರ್ತಿ ದೀಪ್ತಿ ಕುಮಾರಿಗೆ ಸಿಕ್ತು ಭಾರೀ ಬೆಂಬಲ

ಬಿಲ್ಲುಗಾರ್ತಿ ದೀಪ್ತಿ ಕುಮಾರಿ ಬಿಲ್ಲು ಖರೀದಿಸಲು ಮತ್ತು ಸಾಲವನ್ನು ಮರುಪಾವತಿಸಲು ಚಹಾ ಮಾರುತ್ತಿದ್ದರು. ಚಂಡೀಗಢ ಮೂಲದ ಸ್ಟೀಲ್ ಸ್ಟ್ರಿಪ್ಸ್ ವೀಲ್ಸ್ ಲಿಮಿಟೆಡ್ ಕಂಪನಿಯು ಆಕೆಗೆ ಆರ್ಚರಿ ಉಪಕರಣಗಳನ್ನು ನೀಡಲು ಮುಂದೆ ಬಂದಿದೆ. ಜೊತೆಗೆ ಪುನರಾರಂಭಿಸಲು ಅಗತ್ಯವಿರುವ ಎಲ್ಲಾ ಸೌಲಭ್ಯಗಳನ್ನು ಒದಗಿಸಿದೆ.

ಆಟಗಾರ್ತಿಯ ಅಭ್ಯಾಸ. ಕಂಪನಿಯು ಉಪಕರಣಗಳನ್ನು ಒದಗಿಸುವುದಲ್ಲದೆ, ಕನಿಷ್ಠ ಆರು ತಿಂಗಳವರೆಗೆ ಆಕೆಯ ತರಬೇತಿ, ಬೋರ್ಡಿಂಗ್ ಮತ್ತು ಇತರ ಮೂಲಭೂತ ಅಗತ್ಯ ಅವಶ್ಯಕತೆಗಳೊಂದಿಗೆ ವಸತಿಗಾಗಿ ಎಲ್ಲಾ ವೆಚ್ಚಗಳನ್ನು ಸಹಬ ಒದಗಿಸುತ್ತದೆ. ದೀಪ್ತಿ ತಮ್ಮ ವೃತ್ತಿ ಜೀವನದಲ್ಲಿ 100ಕ್ಕೂ ಹೆಚ್ಚು ಪದಕಗಳನ್ನು ಗೆದ್ದಿದ್ದಾರೆ.

ಇದನ್ನೂ ಓದಿ: ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ವರದಿ ಫಲಶೃತಿ: ಆರ್ಚರ್ ದೀಪ್ತಿ ಕುಮಾರಿಗೆ ಹರಿದುಬಂದ ನೆರವು

ಆರ್ಚರ್ ದೀಪ್ತಿ ಕುಮಾರಿ ರಾಂಚಿಯಲ್ಲಿ ಟೀ ಸ್ಟಾಲ್ ನಡೆಸುತ್ತಿರುವ ಕುರಿತು TNIE ವರದಿ ಪ್ರಕಟಿಸಿದ ನಂತರ ಆಟಗಾರ್ತಿಯ ತರಬೇತಿಗೆ ಹೊಸ ಉಪಕರಣಗಳನ್ನು ಖರೀದಿಸಲು ಸಹಾಯ ಮಾಡಲು ಓದುಗರು ಆರ್ಥಿಕ ನೆರವು ನೀಡುತ್ತಿದ್ದಾರೆ. ವರದಿಯಿಂದ ಪ್ರೇರೇಪಿತರಾಗಿರುವ ಕೇರಳದ ಉದ್ಯಮಿ ಮುಖೇಶ್ ಜೈನ್ ದೀಪ್ತಿಗೆ 11 ಸಾವಿರ ರೂ ನೀಡಿದ್ದು, ಈ ಕುರಿತು ಮಾತನಾಡಿರುವ ಅವರು 'ಕ್ರೀಡೆಗಾಗಿ ಎಲ್ಲವನ್ನೂ ತ್ಯಾಗ ಮಾಡಿದ ಹುಡುಗಿಗೆ ಬಿಲ್ಲು ಕೂಡ ಇಲ್ಲ ಎಂದು ಓದಿದ ನಂತರ ನಾನು ಆಘಾತಕ್ಕೊಳಗಾಗಿದ್ದೇನೆ" ಎಂದು ಜೈನ್ ಹೇಳಿದರು.

ಅಂತೆಯೇ ದೀಪ್ತಿ ಕುಮಾರಿ ಅವರಿಗೆ ಕ್ರೀಡಾ ಉಪಕರಣಗಳನ್ನು ಖರೀದಿಸಲು 4.5 ಲಕ್ಷ ರೂಪಾಯಿ ಬೇಕು. ಎಲ್ಲರೂ ಸ್ವಲ್ಪ ಕೊಡುಗೆ ನೀಡಿದರೆ, ಹೊಸ ಸೆಟ್ ಖರೀದಿಸಲು ಅವರಿಗೆ ನೆರವಾಗುತ್ತದೆ. ನಾನು ನನ್ನ ಕೈಲಾದಷ್ಟು ಮಾಡಿದ್ದೇನೆ ಮತ್ತು ಇತರರಿಗೆ ಅವರ ಸಾಮರ್ಥ್ಯಕ್ಕೆ ಅನುಗುಣವಾಗಿ ದೇಣಿಗೆ ನೀಡುವಂತೆ ನಾನು ಮನವಿ ಮಾಡುತ್ತೇನೆ ಎಂದು ಜೈನ್ ಹೇಳಿದರು.ಅಲ್ಲದೆ ಆಟಗಾರರ ಕುರಿತು ನಿರಾಸಕ್ತಿ ತೋರಿರುವ ಸರ್ಕಾರದ ನಡೆಯನ್ನು ಅವರು ಖಂಡಿಸಿದರು.