ರಾಯಲ್ ಎನ್ಫೀಲ್ಡ್ ಸೀಮಿತ ಕೊಡುಗೆಯ ದ್ವಿಚಕ್ರ ವಾಹನಗಳು ಮಾರುಕಟ್ಟೆಗೆ

ನವದೆಹಲಿ: ದ್ವಿಚಕ್ರ ಮೋಟಾರ್ ವಾಹನ ಸಂಸ್ಥೆ ರಾಯಲ್ ಎನ್ಫೀಲ್ಡ್ ಸೀಮಿತ ಕೊಡುಗೆಯ ಮಾದರಿಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದ್ದು ಪ್ರಾರಂಭಿಕ ಬೆಲೆ ೨.೧೭ ಲಕ್ಷ ರೂ.

ವಿಶ್ವ ಯುದ್ಧದ ಸಮಯದಲ್ಲಿ 'ಡೆಸ್ಪ್ಯಾಚ್ ಚಾಲಕ'ರಿಂದ ಸ್ಫೂರ್ತಿಗೊಂಡಿರುವ ಈ ಮಾದರಿಗಳು ಎರಡು ಬಣ್ಣಗಳಲ್ಲಿ ಲಭ್ಯವಿವೆ. ಡೆಸರ್ಟ್ ಸ್ಟಾರ್ಮ್ ಡೆಸ್ಪ್ಯಾಚ್ ಮತ್ತು ಸ್ಕ್ವ್ಯಾಡರ್ನ್ ಬ್ಲೂ ಡೆಸ್ಪ್ಯಾಚ್ ಎಂಬ ಎರಡು ಬಗೆಯ ಮಾದರಿಗಳ ಕೇವಲ 200 ವಾಹನಗಳಷ್ಟೇ ಪ್ರಾದೇಶಿಕ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿವೆ.

ಈ ಸೀಮಿತ ಕೊಡುಗೆಯ ಮಾದರಿಗಳನ್ನು ಮುಂಗಡವಾಗಿ ಕಾಯ್ದಿರಸಲು ಜುಲೈ ೧೫ ರಿಂದ ಅಂತರ್ಜಾಲದಲ್ಲಿ ಸಾದ್ಯವಾಗಲಿದೆ ಎಂದು ಸಂಸ್ಥೆ ತಿಳಿಸಿದೆ.

ಈ ಸೀಮಿತ ಮಾದರಿಗಳು ಬುಲೆಟ್ ಕ್ಲಾಸಿಕ್ ೫೦೦ ಮಾದರಿಯ ವಿನ್ಯಾಸದ ಮೇಲೆ ಅಭಿವೃದ್ಧಿಪಡಿಸಿರುವ ದ್ವಿಚಕ್ರ ವಾಹನಗಳಾಗಿವೆ.