ಇದೀಗ ಅಂಥಾ ಸಂಪ್ರದಾಯಗಳನ್ನು ಮೀರಿ ವೃಂದಾವನದ ವಿಧವೆಯರು ಬದಲಾವಣೆಗೆ ಮುನ್ನುಡಿ ಬರೆದಿದ್ದಾರೆ. 400 ವರ್ಷಗಳಿಂದ ನಡೆದು ಬರುತ್ತಿದ್ದ ಸಂಪ್ರದಾಯವನ್ನು ಒಡೆದು ವೃಂದಾವನದ ವಿಧವೆಯರು ಹೋಳಿಯಾಡಿದ್ದಾರೆ. ವಿಧವೆಗಳಿಗೆ ಬಣ್ಣ ನಿಷೇಧ, ಅವರೇನಿದ್ದರೂ ಬಿಳಿ ಬಟ್ಟೆಯಲ್ಲೇ ಇರಬೇಕು ಎಂಬ ಸಂಪ್ರದಾಯಕ್ಕೆ ಸೆಡ್ಡು ಹೊಡೆದು, ಅಲ್ಲಿನ ವಿಧವೆಯರು ಹೋಳಿಯಾಡಿದ್ದಾರೆ. ಬಣ್ಣಗಳನ್ನು ಮೈ ಮೇಲೆ ಎರಚಿ, ಸಂತೋಷದಿಂದ ಸಿಹಿ ತಿನಿಸುಗಳನ್ನು ಹಂಚಿ, ಹೂ ಪಕಳೆಗಳ ಮಳೆ ಸುರಿದು ಅವರು ನಕ್ಕು ನಲಿದಿದ್ದಾರೆ.