ಲಾಸ್ ಏಂಜಲೀಸ್ ನಲ್ಲಿ ತೃತೀಯಲಿಂಗಿಗಳ ಮೊದಲ ಮಾಡಲಿಂಗ್ ಸಂಸ್ಥೆ

ವಾಷಿಂಗ್ ಟನ್: ತೃತೀಯಲಿಂಗಿಗಳಿಗಾಗಿಯೇ ಮೊದಲ ಮಾಡೆಲಿಂಗ್ ಸಂಸ್ಥೆಯೊಂದು ಲಾಸ್ ಏಂಜಲೀಸ್ ನಲ್ಲಿ ಪ್ರಾರಂಭವಾಗಲಿದ್ದು ಫ್ಯಾಷನ್ ಜಗತ್ತಿನಲ್ಲಿ ಇತಿಹಾಸವೊಂದು ನಿರ್ಮಾಣವಾಗಲಿದೆ.
ಯಶಸ್ವಿ ರೂಪದರ್ಶಿಗಳನ್ನು ಲಿಂಗಭೇದವಿಲ್ಲದೇ ತಯಾರು ಮಾಡುವುದಕ್ಕೆ ಬದ್ಧರಾಗಿರುವುದಾಗಿ ಬ್ಯಾಂಕಾಕ್ ಮೂಲದ ಆಪಲ್ ಮಾಡೆಲ್ ಮ್ಯಾನೇಜ್ಮೆಂಟ್ ನ ನಿರ್ದೇಶಕ ಅಸೂನ್ಸಿಯಾನ್ ಹೇಳಿದ್ದಾರೆ. ತೃತೀಯ ಲಿಂಗಿಗಳಿಗೆ ಸಮಾನತೆ ನೀದಬೇಕೆಂಬ ಚಳುವಳಿ ನಡೆಯುತ್ತಿದ್ದು, ಲಿಂಗ ಸಮಾನತೆ ಪ್ರತಿಪಾದಿಸುವ ನಿಟ್ಟಿನಲ್ಲಿ ಆಪಲ್ ಮಾಡೆಲ್ ಮ್ಯಾನೆಜ್ ಮೆಂಟ್ ಈ ಯೋಜನೆಯನ್ನು ಜಾರಿಗೊಳಿಸುವ ನಿರ್ಧಾರ ಕೈಗೊಂಡಿದೆ.

ಬಿ ಬೋಲ್ಡ್ ಆಡ್ ಸೀರಿಸ್ ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಆಂಡ್ರೆಜಾ ಪೆಜಿಕ್ ಪ್ರಥಮ ತೃತೀಯಲಿಂಗಿ ರೂಪದರ್ಶಿ ಎಂಬ ಖ್ಯಾತಿ ಪಡೆದಿದ್ದರು. ಮಾಡೆಲ್ ಗಳಿಗಾಗಿ ಹುಡುಕುತ್ತಿರುವ ಏಜೆನ್ಸಿ ಪಟ್ಟಿಯಲ್ಲಿ ಈಗಾಗಲೇ 6 ತೃತೀಯಲಿಂಗಿಗಳನ್ನು ಆಯ್ಕೆ ಮಾಡಲಾಗಿದೆ.  ಇನ್ನು ಹೆಚ್ಚು ಜನರನ್ನು ಆಪಲ್ ಮಾಡೆಲ್ ಮ್ಯಾನೆಜ್ಮೆಂಟ್ ನಿರೀಕ್ಷಿಸುತ್ತಿದೆ.