ಸಿರಿಯಾ ಗಡಿಯಲ್ಲಿ ರಷ್ಯಾದ ಜೆಟ್ ಹೊಡೆದುರುಳಿಸಿದ ಟರ್ಕಿ

ಅಂಕಾರ: ರಷ್ಯಾದ ಎಸ್ ಯು-೨೪ ಯುದ್ಧ ವಿಮಾನವನ್ನು ಟರ್ಕಿಯ ಯುದ್ಧ ವಿಮಾನಗಳು ಮಂಗಳವಾರ ಹೊಡೆದುರುಳಿಸಿವೆ.

ರಷ್ಯಾ ಯುದ್ಧ ವಿಮಾನ ಸಿರಿಯಾ ಗಡಿಯಲ್ಲಿ ಟರ್ಕಿಯ ವಾಯುಗಡಿಯನ್ನು ಉಲ್ಲಂಘಿಸಿದ್ದರಿಂದ ಇದು ಸಂಭವಿಸಿದೆ ಎಂದು ಮೂಲಗಳು ತಿಳಿಸಿವೆ.

ಸಿರಿಯಾದ ಗಡಿಯಲ್ಲಿನ ಲಟಕಾಯಿಯ ಯಮಾಡೀ ಗ್ರಾಮದಲ್ಲಿ ಈ ಯುದ್ಧವಿಮಾನ ಪತನಗೊಂಡಿದೆ ಎಂದು ಹುರಿಯತ್ ನ್ಯೂಸ್ ವರದಿ ಮಾಡಿದೆ.

ವಿಮಾನದ ಇಬ್ಬರು ಪೈಲಟ್ ಗಳು ಪ್ಯಾರಚ್ಯೂಟ್ ಮೂಲಕ ಕೆಳಗಿದ್ದಿದ್ದು ಕಂಡುಬಂತು ಎಂದು ಕೂಡ ವರದಿಯಾಗಿದೆ.

ವಿಡಿಯೋಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಒಬ್ಬ ಪೈಲಟ್ ನನ್ನು ಟರ್ಕಿಯ ಸೇನೆ ಸೆರೆಹಿಡಿದಿದ್ದು, ಮತ್ತೊಬ್ಬ ಪೈಲಟ್ ನ ಶೋಧಕಾರ್ಯ ಜಾರಿಯಲ್ಲಿದೆ.