ಅವರು ಮಗುವನ್ನು ಶೆಲ್ಲಿ ಪಕ್ಕ ತೆಗೆದುಕೊಂಡು ಹೋಗಿ ಆಕೆಗೆ ತಾಗುವಂತೆ ಮಲಗಿಸಿದರು. ಮಗುವಿನ ಸ್ಪರ್ಶ ಹಾಗೂ ಪರಿಮಳದಿಂದ ಅಮ್ಮನಿಗೆ ಪ್ರಜ್ಞೆ ಬರಬಹುದು, ಆಕೆ ಮತ್ತೆ ಮೊದಲಿನಂತಾಗಬಹುದು ಎಂಬ ವಿಶ್ವಾಸ ವೈದ್ಯರಿಗಿತ್ತು. ಕೆಲವು ದಿನಗಳ ಹಿಂದೆಯಷ್ಟೇ ಹುಟ್ಟಿದ ಈ ಮಗುವಿಗೆ ಮಾತ್ರ ಅಮ್ಮನನ್ನು ಬದುಕಿಸಲು ಸಾಧ್ಯ ಎಂದು ಅವರು ಹೇಳಿದರು. ಹಾಗೆ ಪಾಪು ರೈಲಾನ್‌ನ್ನು ಅಮ್ಮನ ಎದೆಯ ಮೇಲೆ ಮಲಗಿಸಿದರು. ಪಾಪು ಚೆನ್ನಾಗಿ ನಿದ್ದೆ ಮಾಡಿತು. ಮಗು ಅತ್ತರೆ, ಆ ದನಿ ಕೇಳಿ ಅಮ್ಮ ನ ದೇಹದಲ್ಲಿ ಬದಲಾವಣೆಯಾಗಬಹುದು ಎಂದು ಮಗುವಿಗೆ ಮೆಲ್ಲನೆ ಚಿವುಟಿದರು. ಮಗುವಿನ ಸ್ಪರ್ಶವಾದೊಡನೆ ಶೆಲ್ಲಿಯ ದೇಹದಲ್ಲಿ ಬದಲಾವಣೆಗಳಾದವು. ಮಗುವಿನ ಅಳು ಕೇಳಿದೊಡನೆ ಆಕೆಯ ದೇಹದಲ್ಲಿ ಚೈತನ್ಯ ತುಂಬಿತು. ವೈದ್ಯರ ಪ್ರಯತ್ನ ಸಫಲವಾಗಿತ್ತು. ಒಂದು ವಾರದ ನಂತರ ಶೆಲ್ಲಿ ನಿದ್ದೆಯಿಂದ ಎದ್ದಂತೆ ಕೋಮಾ ಸ್ಥಿತಿಯಿಂದ ಸಹಜ ಸ್ಥಿತಿಗೆ ಮರಳಿ ಬಂದರು.
