ಆಟೋಫಗಿ ಪದದ ನೇರ ಅರ್ಥ ಸ್ವಯಂಭಕ್ಷಣಯಾಗಿದ್ದು, ಜೀವಕೋಶಗಳು ತಮ್ಮಲ್ಲಿನ ಅಂಶಗಳನ್ನು ಮರುಬಳಕೆ ಮಾಡುವ ಪ್ರಕ್ರಿಯೆ ಇದಾಗಿದೆ. ಕೋಶ ಒಳಗಿನ ಪದಾರ್ಥಗಳನ್ನು ಪದರದೊಳಗೆ ಸೇರಿಸಿ, ಅದನ್ನು ಕೋಶದೊಳಗಿನ ಮರುಬಳಕೆ ಕೇಂದ್ರಕ್ಕೆ ರವಾನಿಸುತ್ತದೆ ಎಂಬುದನ್ನು 1960ರಲ್ಲಿಯೇ ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಈ ರೀತಿಯ ಆಟೋಫಗಿ ಪ್ರಕ್ರಿಯೆ ನಿಯಂತ್ರಿಸಲು ಕಾರಣವಾಗಿರುವ ವಂಶವಾಹಿಗಳ ವರ್ಗವನ್ನು ವಿಜ್ಞಾನಿ ಯೋಶಿನೋರಿ ಪತ್ತೆ ಮಾಡಿದ್ದಾರೆ.
