ಕೊಲಂಬಿಯಾದಲ್ಲಿ ವಿಹಾರನೌಕೆ ಮುಳುಗಡೆ: 6 ಸಾವು, 31 ನಾಪತ್ತೆ

ಗೌಟೇಪ್(ಕೊಲಂಬಿಯಾ): ವಾಯುವ್ಯ ಕೊಲಂಬಿಯಾದಲ್ಲಿ ಪ್ರವಾಸಿಗರಿದ್ದ ದೋಣಿ ಮುಳುಗಡೆಯಾಗಿದ್ದು ಕನಿಷ್ಠ 6 ಮಂದಿ ಜಲ ಸಮಾಧಿಯಾಗಿದ್ದಾರೆ. 

ಗೌಟೇಪ್ ಪ್ರವಾಸಿ ಪಟ್ಟಣದ ಎಲ್ ಪೆನೋಲ್ ನದಿಯಲ್ಲಿ ಸುಮಾರು 150ಕ್ಕೂ ಹೆಚ್ಚು ವಿದೇಶಿ ಪ್ರವಾಸಿಗರಿದ್ದ ವಿಹಾರನೌಕೆ ಮುಳುಗಡೆಯಾಗಿದೆ. ಇದರಲ್ಲಿ 6 ಮಂದಿ ಮೃತಪಟ್ಟಿದ್ದು 31 ಹೆಚ್ಚು ಪ್ರವಾಸಿಗರು ಕಣ್ಮರೆಯಾಗಿದ್ದಾರೆ ಎಂದು ಆಂಟಿಯೊಕ್ವಿಯಾ ಪ್ರಾದೇಶಿಕ ಸರ್ಕಾರದ ವಿಪತ್ತು ನಿಯಂತ್ರಣ ಇಲಾಖೆ ಮುಖ್ಯಸ್ಥೆ ಮಾರ್ಗರೀಟಾ ಮೊನ್ ಕಾಡಾ ತಿಳಿಸಿದ್ದಾರೆ. 

ವಿಹಾರನೌಕೆ ಮುಳುಗುತ್ತಿದ್ದಂತೆ ಅಲ್ಲೆ ಇದ್ದ ಇತರ ದೋಣಿಗಳ ಮೂಲಕ ರಕ್ಷಿಸಲಾಯಿತು. ಇದರಿಂದಾಗಿ ಸಾವಿನ ಸಂಖ್ಯೆ ಕಡಿಮೆಯಾಗಿದೆ. ಇನ್ನು ನಾಪತ್ತೆಯಾಗಿರುವವರಿಗಾಗಿ ರಕ್ಷಣಾ ಸಿಬ್ಬಂದಿ ಶೋಧಕಾರ್ಯ ಮುಂದುವರೆಸಿದ್ದಾರೆ.