ಉತ್ತರ ಕೋರಿಯಾ ಕೆಲ ತಿಂಗಳ ಹಿಂದೆ ಪ್ಯೋಂಗ್ಯಾಂಗ್‌ನಲ್ಲಿ ಆರು ವಿನಾಶಕಾರಿ ಅಣು ಬಾಂಬ್‌ ಪರೀಕ್ಷೆ ನಡೆಸಿದ ಬೆನ್ನಲ್ಲೇ, ಕೋರಿಯ ದ್ವೀಪದಲ್ಲಿ ಯುದ್ಧ ವಾತಾವರಣ ನಿರ್ಮಾಣವಾಗಿತ್ತು. ಹೀಗಾಗಿ ಟ್ರಂಪ್ ಕಳೆದ ಏಷ್ಯಾ ಪ್ರವಾಸದ ವೇಳೆ ಉತ್ತರ ಕೋರಿಯಾ ವಿರುದ್ಧ ಹೋರಾಡಲು ಕರೆ ನೀಡಿದ್ದರು. ಅಲ್ಲದೆ ಕೆಲ ದಿನಗಳ ಹಿಂದೆ ಅಮೆರಿಕದ ಶಕ್ತಿಯನ್ನು ಕೀಳಾಗಿ ನೋಡಬೇಡಿ ಎಂದು ಉತ್ತರ ಕೋರಿಯಾಗೆ ಟ್ರಂಪ್ ಎಚ್ಚರಿಕೆ ನೀಡಿದ್ದರು. ಆದರೆ ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಉತ್ತರ ಕೋರಿಯ ನಮ್ಮನ್ನು ಯಾರೂ ಬೆದರಿಸಲು ಸಾಧ್ಯವಿಲ್ಲ ಅಥವಾ ನಮ್ಮ ಪ್ರಗತಿಯನ್ನು ಕುಂಠಿತಗೊಳಿಸಲು ಯಾವುದೇ ರಾಷ್ಟ್ರದಿಂದಲೂ ಸಾಧ್ಯವಿಲ್ಲ ಎಂದು ಹೇಳಿದೆ.
