ಇಂಟರ್ ನೆಟ್ ಕರೆಗಳ ಮೇಲಿನ ನಿಷೇಧ ವಾಪಸ್ ಪಡೆಯಲಿರುವ ಸೌದಿ ಅರೇಬಿಯಾ

ರಿಯಾದ್: ತೈಲ ಉದ್ಯಮದಿಂದ ಬರುವ ಆದಾಯದ ಹೊರತಾಗಿ ಆದಾಯ ಗಳಿಸುವತ್ತ ಗಮನ ಹರಿಸಿರುವ ಸೌದಿ ಅರೇಬಿಯಾ ಈಗ ಇಂಟರ್ ನೆಟ್ ಕರೆಗಳ ಮೇಲಿನ ನಿಷೇಧವನ್ನು ಹಿಂಪಡೆಯಲಿದೆ. 

ಆನ್ ಲೈನ್ ಗೆ ಸಂಬಂಧಿಸಿದ ಉದ್ಯಮದಿಂದ ಆದಾಯ ಗಳಿಸಲು ಬಗ್ಗೆ ಸೌದಿ ಅರೇಬಿಯಾ ಚಿಂತನೆ ನಡೆಸಿದ್ದು, ಈ ನಿಟ್ಟಿನಲ್ಲಿ ಇಂಟರ್ ನೆಟ್ ಕರೆಗಳು ಅಗತ್ಯವಾಗಿರುವುದರಿಂದ ನಿಷೇಧ ಹಿಂಪಡೆಯಲು ಸಿದ್ಧತೆ ನಡೆಸಿದೆ. ಮೈಕ್ರೋಸಾಫ್ಟ್ ನ ಸ್ಕೈಪ್, ಫೇಸ್ ಬುಕ್ ನ ವಾಟ್ಸ್ ಆಪ್ ಮೂಲಕ ವಿಡಿಯೋ ಕರೆ ಮಾಡಬಹುದಾಗಿದ್ದು, ಶೀಘ್ರವೇ ನಿಷೇಧವನ್ನು ಹಿಂಪಡೆಯಲಾಗುವುದು ಎಂದು ತಿಳಿದುಬಂದಿದೆ. 

ಇಂಟರ್ ನೆಟ್ ಕರೆಗಳಿಗೆ ವಿಧಿಸಲಾಗಿರುವ ನಿಷೇಧವನ್ನು ಹಿಂಪಡೆಯುವುದರಿಂದ ಅಲ್ಲಿನ ಸೌದಿ ಟೆಲಿಕಾಂ ಕೋ(ಎಸ್ ಟಿಸಿ) ಸೇರಿದಂತೆ ಸ್ಥಳೀಯ ಟೆಲಿಕಾಂ ಸಂಸ್ಥೆಗಳಿಗೆ ಹೊಡೆತ ಬೀಳುತ್ತದೆ ಎಂದು ವಿಶ್ಲೇಷಿಸಲಾಗುತ್ತಿದೆ.