ತೈಲ ಮಾರುಕಟ್ಟೆಯಲ್ಲಿ ಸ್ಥಿರತೆ ಕಾಯ್ದುಕೊಂಡು ಜಗತ್ತಿನ ಬೆಳವಣಿಗೆಗೆ ಸಹಕರಿಸುವುದಕ್ಕೆ ಸಂಬಂಧಿಸಿದಂತೆ ಸೌದಿ ಅರೇಬಿಯಾ ರಾಜನ ಜೊತೆ ಟ್ರಂಪ್ ಶನಿವಾರ ಮಾತುಕತೆ ನಡೆಸಿದ್ದರು. ಈ ಬೆನ್ನಲ್ಲೇ ಸೌದಿ ಬಗ್ಗೆ ಮಾತನಾಡಿರುವ ಟ್ರಂಪ್, ನಾವು ಸೌದಿ ಅರೇಬಿಯಾವನ್ನು ರಕ್ಷಿಸುತ್ತೇವೆ, ಆದರೆ ಅವರನ್ನು ಶ್ರೀಮಂತರೆನ್ನುತ್ತೀರಾ? ಸೌದಿ ಅರೇಬಿಯಾ ದೊರೆಯೆಂದರೆ ನನಗೆ ಅಚ್ಚುಮೆಚ್ಚು , ಅಲ್ಲಿನ ದೊರೆಯನ್ನು ನಾವು ರಕ್ಷಿಸುತ್ತಿದ್ದೇವೆ, ನಮ್ಮ ಸೇನೆ ಬೆಂಬಲ ಇಲ್ಲದೇ ಸೌದಿ ಅರೇಬಿಯಾ ರಾಜ 2 ವಾರಗಳೂ ಅಧಿಕಾರಲ್ಲಿರುವುದಕ್ಕೆ ಸಾಧ್ಯವಿಲ್ಲ ಎಂದು ಟ್ರಂಪ್ ಹೇಳಿ ಅಚ್ಚರಿ ಮೂಡಿಸಿದ್ದಾರೆ.