ಗಡಿ ಗೋಡೆ ನಿರ್ಮಾಣಕ್ಕೆ ಅಮೆರಿಕದಲ್ಲಿ ತುರ್ತುಪರಿಸ್ಥಿತಿ ಘೋಷಣೆ: ಟ್ರಂಪ್ ವಿರುದ್ಧ 16 ರಾಜ್ಯಗಳು ಮೊಕದ್ದಮೆ

ಸ್ಯಾನ್ ಫ್ರಾನ್ಸಿಸ್ಕೋ: ಮೆಕ್ಸಿಕೋ  ಗಡಿಯಲ್ಲಿ  ಅಕ್ರಮ ತಡೆಯುವ ಸಲುವಾಗಿ ಗೋಡೆ ನಿರ್ಮಿಸಲು ರಾಷ್ಟ್ರೀಯ ತುರ್ತುಪರಿಸ್ಥಿತಿ ಘೋಷಿಸಿರುವ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತದ ನಿರ್ಧಾರ ವಿರೋಧಿಸಿ 16 ರಾಜ್ಯಗಳು ಮೊಕದ್ದಮೆ ಹೂಡಿದ್ದು, ಇದು ಸಂವಿಧಾನದ ಉಲ್ಲಂಘನೆ ಎಂದು ಹೇಳಿವೆ.

ಗೋಡೆ ನಿರ್ಮಾಣಕ್ಕೆ ಮಂಡಿಸಿದ್ದ 5. 6 ಬಿಲಿಯನ್ ಡಾಲರ್  ಅಂದಾಜು ವೆಚ್ಚಕ್ಕಿಂತ ಕಡಿಮೆ ಹಣಕ್ಕೆ ಅಮೆರಿಕಾ ಕಾಂಗ್ರೆಸ್  ಅನುಮೋದನೆ ನೀಡಿದೆ.  ಆದರೆ, ಇದನ್ನು ಮೀರಿ ಹೆಚ್ಚಿನ ಹಣ ವೆಚ್ಚ ಮಾಡುವುದಾಗಿ ಟ್ರಂಪ್ ಹೇಳಿಕೆ ನೀಡಿದ್ದರು.