ಪಿಯೊಂಗ್ಟೇಕ್ (ದಕ್ಷಿಣ ಕೊರಿಯಾ): ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಲವು ಬಾರಿ ತಮ್ಮ ಮಾತುಗಳಿಂದ ಸಾರ್ವಜನಿಕವಾಗಿ ಜನರ ಹುಬ್ಬೇರಿಸಿದ ಘಟನೆಗಳು ನಡೆದಿವೆ.
ಅನೇಕ ಬಾರಿ ವಿವಾದವನ್ನು ಮೈಮೇಲೆಳೆದುಕೊಂಡಿದ್ದಾರೆ. ನಿನ್ನೆ ದಕ್ಷಿಣ ಕೊರಿಯಾದ ರಾಜಧಾನಿ ಸಿಯೊಲ್ ನ ದಕ್ಷಿಣದಲ್ಲಿರುವ ಬಂದರು ನಗರಿ ಪಿಯೊಂಗ್ಟೇಕ್ ನಲ್ಲಿ ಕೂಡ ಅಂತಹದ್ದೇ ಘಟನೆ ನಡೆಯಿತು.
ಅಲ್ಲಿ ಟ್ರಂಪ್ ತಮ್ಮ ಪುತ್ರಿ ಮತ್ತು ತಮಗೆ ಸಲಹೆಗಾರ್ತಿ ಕೂಡ ಆಗಿರುವ ಇವಾಂಕಾ ಟ್ರಂಪ್ ಹಾಗೂ ಅಮೆರಿಕಾ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೊರ ಜೊತೆ ಒಸಾನ್ ವಾಯುನೆಲೆಗೆ ಭೇಟಿ ನೀಡಿ ವಾಯುಪಡೆ ಸಿಬ್ಬಂದಿಯನ್ನುದ್ದೇಶಿ ಮಾತನಾಡಿದರು.
ವೇದಿಕೆ ಮೇಲೆ ನಿಂತು ಮಾತನಾಡುತ್ತಾ ವೇದಿಕೆಯ ಹಿಂಭಾಗದಲ್ಲಿದ್ದ ಮೈಕ್ ಪಾಂಪಿಯೊ ಮತ್ತು ಇವಾಂಕಾ ಟ್ರಂಪ್ ರನ್ನು ವೇದಿಕೆಗೆ ಕರೆದರು. ಅವರು ವೇದಿಕೆಗೆ ಬಂದಾಗ, ಇವರಿಬ್ಬರು ಅದ್ಭುತವಾದ ಕೆಲಸ ಮಾಡುತ್ತಿದ್ದಾರೆ ಎಂದು ಹೊಗಳಿ ವಾವ್ ಎಂತಹ ಬ್ಯೂಟಿಫುಲ್ ಜೋಡಿ ಎಂದು ಉದ್ಘರಿಸಿದರು.
ಆಗ ಕೆಳಗಿದ್ದವರು ಓ.. ಎಂದು ಕೂಗಿದರು. ಅಷ್ಟಕ್ಕೇ ಸುಮ್ಮನಾಗದ ಟ್ರಂಪ್, ‘ಬ್ಯೂಟಿ ಆ್ಯಂಡ್ ಬಿಸ್ಟ್’ ಎಂದರು. ಆ ವಿಡಿಯೊ ಈಗ ವೈರಲ್ ಆಗಿದೆ.
#WATCH South Korea: US President Donald Trump called his daughter Ivanka Trump & Secretary of State Mike Pompeo on stage, referring to them as "A beautiful couple, beauty and the beast" at the Osan Air Base in Pyeongtaek, earlier today. pic.twitter.com/l0aWiNxLBL