ಇಸ್ಲಾಮಾಬಾದ್: ಪಾಕಿಸ್ತಾನದ ಹಿಂದೂ ದಲಿತ ಸಮುದಾಯದ ಮೊದಲ ಮಹಿಳಾ ಸಂಸದೆ ಕೃಷ್ಣ ಕುಮಾರಿ ಕೊಹ್ಲಿ ಅವರು ವಿಶ್ವ ಮಹಿಳಾ ದಿನಾಚರಣೆ ಅಂಗವಾಗಿ ಶುಕ್ರವಾರ ಪಾಕ್ ಸಂಸತ್ ನ ಸಭಾಧ್ಯಕ್ಷೆಯಾಗಿ ಕಾರ್ಯನಿರ್ವಹಿಸುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ.
ಮಹಿಳಾ ದಿನದ ಅಂಗವಾಗಿ ನಮ್ಮ ಸಹೋದ್ಯೋಗಿ ಕೃಷ್ಣ ಕುಮಾರಿ ಅವರನ್ನು ಸಭಾಧ್ಯಕ್ಷೆಯಾಗಿ ಮಾಡಲು ನಮ್ಮ ಸೆನೆಟ್ ಸಭಾಧ್ಯಕ್ಷರು ನಿರ್ಧರಿಸಿದ್ದಾರೆ ಎಂದು ಸಂಸದ ಫೈಸಾಲ್ ಜಾವೇದ್ ಅವರು ಟ್ವೀಟ್ ಮಾಡಿದ್ದಾರೆ.
40 ವರ್ಷದ ಕೃಷ್ಣ ಕುಮಾರ್ ಅವರು ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿ ನೆಲೆಸಿದ್ದು, ಪಾಕಿಸ್ತಾನ ಪೀಪಲ್ಸ್ ಪಾರ್ಟಿಯಿಂದ ಸಂಸದೆಯಾಗಿ ಆಯ್ಕೆಯಾಗಿದ್ದಾರೆ.
ಸಿಂಧ್ ಪ್ರಾಂತ್ಯದಲ್ಲಿ ನೆಲೆಸಿರುವ ಕೆಲವೇ ಹಿಂದೂ ಕುಟುಂಬಗಳ ಪೈಕಿ ಕೊಹ್ಲಿ ಅವರ ಕುಟುಂಬವೂ ಒಂದು. ಕೊಹ್ಲಿ ಎಂಬುದು ಪಾಕಿಸ್ತಾನದ ದಲಿತ ಸಮುದಾಯವಾಗಿದೆ.
