200 ದಿನಗಳ ಯುದ್ಧ: ರಷ್ಯಾ ವಿರುದ್ಧ ಮತ್ತೆ ತಿರುಗಿಬಿದ್ದ ಉಕ್ರೇನ್

ಉಕ್ರೇನ್: ರಷ್ಯಾ-ಉಕ್ರೇನ್ ಯುದ್ಧ 200 ದಿನ ಕಳೆದರೂ ಮುಂದುವರೆದಿದ್ದು, ಉಕ್ರೇನ್ ಪ್ರಬಲ ಪ್ರತಿದಾಳಿಗೆ ಮುಂದಾಗಿದೆ. 

ದೀರ್ಘಾವಧಿಯಿಂದ ನಿರೀಕ್ಷೆಯಲ್ಲಿದ್ದ ಪ್ರತಿದಾಳಿಯಲ್ಲಿ ಉಕ್ರೇನ್ ದಕ್ಷಿಣ ಮತ್ತು ಪೂರ್ವದ ವಿಶಾಲ ಪ್ರದೇಶಗಳನ್ನು ಮತ್ತೆ ಹಿಡಿತಕ್ಕೆ ತೆಗೆದುಕೊಂಡಿದ್ದು, ರಷ್ಯಾ ತೀವ್ರ ಹಿನ್ನೆಡೆ ಎದುರಿಸಿದೆ. 

ಇದನ್ನೂ ಓದಿ: ಉಕ್ರೇನ್‌ನಿಂದ ಹಿಂತಿರುಗಿರುವ ವಿದ್ಯಾರ್ಥಿಗಳು ವಿದೇಶಿ ವೈದ್ಯಕೀಯ ಕಾಲೇಜುಗಳಲ್ಲಿ ಓದಬಹುದು: ಎನ್‌ಎಂಸಿ

ಆಗಸ್ಟ್ ನ ತಿಂಗಳಾಂತ್ಯಕ್ಕೆ ಪ್ರತಿದಾಳಿಯನ್ನು ಉಕ್ರೇನ್ ಪ್ರಾರಂಭಿಸಿದ್ದು, ಖೆರ್ಸನ್ ಪ್ರದೇಶದ ದಕ್ಷಿಣ ಪ್ರಾಂತ್ಯದಲ್ಲಿ ಉಕ್ರೇನ್ ತನ್ನ ಪ್ರತಿದಾಳಿಯನ್ನು ಕೇಂದ್ರೀಕರಿಸಿದೆ. ಈ ಪ್ರದೇಶದಲ್ಲಿ ಯುದ್ಧದ ಪ್ರಾರಂಭದಲ್ಲಿ ರಷ್ಯಾ ಹಿಡಿತ ಸಾಧಿಸಿತ್ತು. 

ದಕ್ಷಿಣ ಪ್ರದೇಶಕ್ಕೆ ರಷ್ಯಾ ಸೇನೆಯ ಸ್ಥಳಾಂತರವನ್ನೇ ಬಂಡವಾಳವಾಗಿಸಿಕೊಂಡ ಉಕ್ರೇನ್ ಸೇನೆ ಯುದ್ಧದ ಹಾದಿಯನ್ನು ಬದಲಿಸತೊಡಗಿದೆ ಎಂದು ಕೀವ್ ಮೂಲದ ಚಿಂತಕರ ಚಾವಡಿಯಾಗಿರುವ ರಝುಮ್ಕೋವ್ ಕೇಂದ್ರದ ಮಿಲಿಟರಿ ತಜ್ಞ ಮೈಕೋಲಾ ಸನ್ಹುರೊವ್ಸ್ಕಿ ಹೇಳಿದ್ದಾರೆ.