ಟೆಲ್ ಅವೀವ್: ಇಸ್ರೇಲ್ ನ ಸೇನಾ ನೆಲೆ ಹಾಗೂ ಮೊಸಾದ್ ಪ್ರಧಾನ ಕಚೇರಿಯನ್ನು ಟಾರ್ಗೆಟ್ ಮಾಡಿ ಇರಾನ್ ಕ್ಷಿಪಣಿಗಳನ್ನು ಉಡಾಯಿಸಿದೆ ಎಂದು ಇರಾನ್‌ನ ಉನ್ನತ ಮಿಲಿಟರಿ ಅಧಿಕಾರಿ ಮೊಹಮ್ಮದ್ ಬಘೇರಿಯನ್ನು ಉಲ್ಲೇಖಿಸಿ ಇರಾನಿನ ಸರ್ಕಾರಿ ದೂರದರ್ಶನ ಹೇಳಿಕೊಂಡಿದೆ.
ನೆವ್ಟಿಮ್ ವಾಯುನೆಲೆ ಇಸ್ರೇಲ್‌ನ F-35 ಫೈಟರ್ ಜೆಟ್‌ಗಳನ್ನು ಹೊಂದಿದೆ, ಟೆಹ್ರಾನ್ ಟೈಮ್ಸ್‌ನ ವರದಿಯ ಪ್ರಕಾರ, ಸೆಪ್ಟೆಂಬರ್ 27 ರಂದು ಬೈರುತ್‌ನಲ್ಲಿ ಬಾಂಬ್ ದಾಳಿ ಮಾಡಿದ ಫೈಟರ್ ಜೆಟ್‌ಗಳು ಈ ಮಿಲಿಟರಿ ವಾಯುನೆಲೆಯಿಂದ ಹಾರಿದವು ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಏತನ್ಮಧ್ಯೆ, ಇರಾನ್ ಉದ್ದೇಶಪೂರ್ವಕವಾಗಿ ನಾಗರಿಕ ಗುರಿಗಳು ಮತ್ತು ಮೂಲಸೌಕರ್ಯಗಳ ಮೇಲೆ ದಾಳಿ ಮಾಡಲಿಲ್ಲ ಎಂದು ಬಘೇರಿ ಹೇಳಿದರು. ಇರಾನ್‌ನ ಇಸ್ಲಾಮಿಕ್ ರೆವಲ್ಯೂಷನ್ ಗಾರ್ಡ್ ಕಾರ್ಪ್ಸ್ (ಐಆರ್‌ಜಿಸಿ) ಏರೋಸ್ಪೇಸ್ ಫೋರ್ಸ್‌ನ ಬ್ಯಾಲಿಸ್ಟಿಕ್ ಕ್ಷಿಪಣಿ ದಾಳಿಯು ಜುಲೈ 31 ರಂದು ಹಮಾಸ್ ಮುಖ್ಯಸ್ಥ ಇಸ್ಮಾಯಿಲ್ ಹನಿಯಾ ಮತ್ತು ಐಆರ್‌ಜಿಸಿ ಕಮಾಂಡರ್ ಅಬ್ಬಾಸ್ ನಿಲ್ಫೊರೌಶನ್ ಮತ್ತು ಸೆಪ್ಟೆಂಬರ್ 27 ರಂದು ಹಿಜ್ಬುಲ್ಲಾ ನಾಯಕ ಸಯ್ಯದ್ ಹಸನ್ ನಸ್ರಲಹ್ಸನ್ ಅವರ ಹತ್ಯೆಗೆ ಪ್ರತಿಕ್ರಿಯೆಯಾಗಿ ಬಘೇರಿ ಹೇಳಿದರು.
ಇದೇ ವೇಳೆ US ಮಿಲಿಟರಿಯ ಸೆಂಟ್ರಲ್ ಕಮಾಂಡ್ F-16 ಮತ್ತು F-15E ಫೈಟರ್ ಏರ್‌ಕ್ರಾಫ್ಟ್‌ಗಳ ಮೂರು ಹೆಚ್ಚುವರಿ ಸ್ಕ್ವಾಡ್ರನ್‌ಗಳು ಮತ್ತು A-10 ದಾಳಿ ವಿಮಾನಗಳು ಪಶ್ಚಿಮ ಏಷ್ಯಾಕ್ಕೆ ಆಗಮಿಸುತ್ತಿವೆ ಮತ್ತು ಈಗಾಗಲೇ ಒಂದು ಸ್ಕ್ವಾಡ್ರನ್ ಆಗಮಿಸಿದೆ ಎಂದು ಘೋಷಿಸಿತು.
ಶ್ವೇತಭವನದ ಪ್ರಕಾರ, ಅಧ್ಯಕ್ಷ ಬಿಡೆನ್ ಇರಾನ್ ದಾಳಿಗಳ ವಿರುದ್ಧ ಇಸ್ರೇಲ್‌ನ ರಕ್ಷಣೆಗೆ ಸಹಾಯ ಮಾಡಲು ಇಸ್ರೇಲ್ ನ್ನು ಗುರಿಯಾಗಿಸುವ ಕ್ಷಿಪಣಿಗಳನ್ನು ಹೊಡೆದುರುಳಿಸಲು US ಮಿಲಿಟರಿಗೆ ನಿರ್ದೇಶಿಸಿದ್ದಾರೆ.
Advertisement
