ಬೋಂಡಿ ಬೀಚ್‌ ಗುಂಡಿನ ದಾಳಿ: ಭಾರತೀಯ ಪ್ರಜೆಯಾಗಿ ಹಂತಕನ ತಂದೆ ಫಿಲಿಪೈನ್ಸ್‌ ಪ್ರವೇಶ; ವಲಸೆ ಅಧಿಕಾರಿಗಳ ಮಾಹಿತಿ

ಸಿಡ್ನಿ: ಆಸ್ಟ್ರೇಲಿಯಾದ ಬೋಂಡಿ ಬೀಚ್‌ ಸಾಮೂಹಿಕ ಗುಂಡಿನ ದಾಳಿಯಲ್ಲಿ ಭಾಗಿಯಾಗಿದ್ದ ತಂದೆ ಮತ್ತು ಮಗ ನವೆಂಬರ್ ತಿಂಗಳು ಫಿಲಿಪೈನ್ಸ್‌ನಲ್ಲಿ ಕಳೆದಿದ್ದಾರೆ ಎಂದು ಮನಿಲಾದ ವಲಸೆ ಇಲಾಖೆ ಮಂಗಳವಾರ ದೃಢಪಡಿಸಿದೆ, ಹಂತಕನ ತಂದೆ "ಭಾರತೀಯ ಪ್ರಜೆ"ಯಾಗಿ ದೇಶವನ್ನು ಪ್ರವೇಶಿಸಿದ್ದಾನೆ.

ಸಿಡ್ನಿಯ ಬೋಂಡಿ ಬೀಚ್‌ನಲ್ಲಿ ನಡೆದ ಹನುಕ್ಕಾ ಆಚರಣೆಯಲ್ಲಿ 15 ಜನರನ್ನು ಕೊಂದ ಮತ್ತು ಡಜನ್ಗಟ್ಟಲೆ ಜನರನ್ನು ಗಾಯಗೊಳಿಸಿದ ಸಾಜಿದ್ ಅಕ್ರಮ್ ಮತ್ತು ಆತನ ಮಗ ನವೀದ್ ನವೆಂಬರ್ 1 ರಂದು ದಕ್ಷಿಣ ಪ್ರಾಂತ್ಯದ ದಾವೊಗೆ ಆಗಮಿಸಿದರು.

ಭಾರತೀಯ ಪ್ರಜೆ ಸಾಜಿದ್ ಅಕ್ರಮ್ (50) ಮತ್ತು ಆಸ್ಟ್ರೇಲಿಯಾದ ಪ್ರಜೆ ನವೀದ್ ಅಕ್ರಮ್ (24) ಕಳೆದ ನವೆಂಬರ್ 1, 2025 ರಂದು ಆಸ್ಟ್ರೇಲಿಯಾದ ಸಿಡ್ನಿಯಿಂದ ಫಿಲಿಪೈನ್ಸ್‌ಗೆ ಆಗಮಿಸಿದ್ದಾರೆ ಎಂದು ವಲಸೆ ವಕ್ತಾರೆ ಡಾನಾ ಸ್ಯಾಂಡೋವಲ್ AFP ಗೆ ತಿಳಿಸಿದರು, ಈ ಇಬ್ಬರು ನವೆಂಬರ್ 28 ರಂದು ಅಲ್ಲಿಂದ ಹೊರಟಿದ್ದಾರೆ.

ದೇಶದ ಯಹೂದಿಗಳಲ್ಲಿ ಭೀತಿ ಮೂಡಿಸಲು ದಾಳಿ ನಡೆಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ, ಆಸ್ಟ್ರೇಲಿಯಾದ ಪ್ರಧಾನಿ ಆಂಥೋನಿ ಅಲ್ಬನೀಸ್ ಮಂಗಳವಾರ ಈ ಜೋಡಿ "ದ್ವೇಷದ ಸಿದ್ಧಾಂತ"ದಿಂದ ಈ ದಾಳಿ ನಡೆಸಿದ್ದಾರೆ ಎಂದು ಸುಳಿವು ನೀಡಿದ್ದಾರೆ ಎಂದು ತಿಳಿಸಿದ್ದಾರೆ. ಇದು ಇಸ್ಲಾಮಿಕ್ ಸ್ಟೇಟ್ISIS ಸಿದ್ಧಾಂತದಿಂದ ಪ್ರೇರಿತರಾಗದ್ದಾರೆ ಎಂದು ತೋರುತ್ತದೆ" ಎಂದು ಅಲ್ಬನೀಸ್ ಎಬಿಸಿಗೆ ತಿಳಿಸಿದರು. ಒಂದು ದಶಕದ ಹಿಂದೆ ಉದಯವಾದ ಐಸಿಸ್‌ನೊಂದಿಗೆ ಜಗತ್ತು ಉಗ್ರವಾದ ಮತ್ತು ದ್ವೇಷಪೂರಿತ ಸಿದ್ಧಾಂತದೊಂದಿಗೆ ಹೋರಾಡುತ್ತಿದೆ" ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿದರು.

ಗುಂಡಿನ ದಾಳಿಯ ನಂತರ ಬೀಚ್ ಬಳಿ ನಿಂತಿದ್ದ ನವೀದ್ ಅಕ್ರಮ್‌ ಹೆಸರಿನಲ್ಲಿ ನೋಂದಾಯಿಸಲಾದ ಕಾರನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಸುಧಾರಿತ ಬಾಂಬ್‌ಗಳು ಮತ್ತು ಮನೆಯಲ್ಲಿ ತಯಾರಿಸಿದ ಐಸಿಸ್ ಎರಡು ಧ್ವಜಗಳು ಕಾರಿನಲ್ಲಿ ಸಿಕ್ಕಿವೆ ಎಂದು ನ್ಯೂ ಸೌತ್ ವೇಲ್ಸ್ ಪೊಲೀಸ್ ಆಯುಕ್ತ ಮಾಲ್ ಲ್ಯಾನ್ಯನ್ ಮಂಗಳವಾರ ತಿಳಿಸಿದ್ದಾರೆ.

ಇಟ್ಟಿಗೆ ಕೆಲಸಗಾರ ಎಂದು ವರದಿಯಾದ ನವೀದ್ ಅಕ್ರಮ್ 2019 ರಲ್ಲಿ ಆಸ್ಟ್ರೇಲಿಯಾದ ಗುಪ್ತಚರ ಸಂಸ್ಥೆಯ ಗಮನಕ್ಕೆ ಬಂದಿದ್ದ, ಆದರೆ ಆ ಸಮಯದಲ್ಲಿ ಅವನಿಂದ ಅಪಾಯವಿದೆ ಎಂದು ಪರಿಗಣಿಸಲಾಗಿಲ್ಲ ಎಂದು ಅಲ್ಬನೀಸ್ ಹೇಳಿದರು. ಅವರು ಅವನನ್ನು ಸಂದರ್ಶಿಸಿದರು, ಅವನ ಕುಟುಂಬ ಸದಸ್ಯರನ್ನು ಸಂದರ್ಶಿಸಿದರು, ಅವನ ಸುತ್ತಲಿನ ಜನರನ್ನು ಸಂದರ್ಶಿಸಿದರು" ಎಂದು ಅಲ್ಬನೀಸ್ ಹೇಳಿದರು. ಆ ಸಮಯದಲ್ಲಿ ಆತನ ಬಗ್ಗೆ ಯಾವುದೇ ಸಂಶಯ ಮೂಡಲಿಲ್ಲ ಎಂದು ತಿಳಿಸಿದ್ದಾರೆ.

ಕಳೆದ ತಿಂಗಳು ಫಿಲಿಪೈನ್ಸ್ ಪ್ರವಾಸದಲ್ಲಿ ಅವರು ಇಸ್ಲಾಮಿಸ್ಟ್ ಉಗ್ರಗಾಮಿಗಳನ್ನು ಭೇಟಿಯಾಗಿದ್ದಾರೆಯೇ ಎಂಬ ಪ್ರಶ್ನೆ ಮೂಡಿದೆ. ಅವರು ಫಿಲಿಪೈನ್ಸ್‌ಗೆ ಏಕೆ ಹೋದರು, ಮತ್ತು ಉದ್ದೇಶ ಏನು ಅವರು ಎಲ್ಲಿಗೆ ಹೋದರು ಎಂಬುದು ಪ್ರಸ್ತುತ ತನಿಖೆಯಲ್ಲಿದೆ" ಎಂದು ಲ್ಯಾನ್ಯನ್ ಮಂಗಳವಾರ ವರದಿಗಾರರಿಗೆ ತಿಳಿಸಿದರು.

ದಾಳಿಯ ದಿನದಂದು ನವೀದ್ ತನ್ನ ತಾಯಿಗೆ ಮೀನುಗಾರಿಕೆ ಪ್ರವಾಸಕ್ಕೆ ನಗರದಿಂದ ಹೊರಡುತ್ತಿದ್ದೇನೆ ಎಂದು ಹೇಳಿದ್ದಾನೆ ಎಂದು ವರದಿಯಾಗಿದೆ. ಆದರೆ ಆತ ತನ್ನ ತಂದೆಯೊಂದಿಗೆ ಬಾಡಿಗೆ ಅಪಾರ್ಟ್‌ಮೆಂಟ್‌ನಲ್ಲಿ ಇದ್ದ ಎಂದು ಅಧಿಕಾರಿಗಳು ಅನುಮಾನ ವ್ಯಕ್ತ ಪಡಿಸಿದ್ದಾರೆ.