ತನ್ನ ಭಾವನ ಸಹಾಯದಿಂದ ಆಟೋ ಚಾಲನೆ ಮಾಡಲು ಕಲಿತ ಯಲ್ಲಮ್ಮನಿಗೆ ಮೊದಲು ಯಾರೊಬ್ಬರೂ ಆಟೋ ನೀಡಲು ಮುಂದೆ ಬರಲಿಲ್ಲ. ಬಾಡಿಗೆಗೆ ಆಟೋ ಚಾಲನೆ ಮಾಡುವುದಾಗಿ ಆಟೋ ಮಾಲೀಕರನ್ನು ಭೇಟಿಯಾದಾಗ, ಮಹಿಳೆಯರಿಗೆ ಆಟೋ ನೀಡುವುದಿಲ್ಲ ಎಂಬ ಉತ್ತರ ಸಿಕ್ಕಿತು. ಹೀಗೆ ತುಂಬ ಪ್ರಯತ್ನಗಳನ್ನು ಮಾಡಿದ ನಂತರ ಮೆಕ್ಯಾನಿಕ್ ಒಬ್ಬರು ದಿನಕ್ಕೆ ರು. 130 ಬಾಡಿಗೆಗೆ ಆಟೋ ಕೊಟ್ಟರು. ಯಲ್ಲಮ್ಮ ಬೆಳಗ್ಗೆ 6 ಗಂಟೆಯಿಂದ ರಾತ್ರಿ 8 ಗಂಟೆ ವರೆಗೆ ಆಟೋ ಚಲಾಯಿಸುತ್ತಾರೆ. ಬಿಡುವಿನಲ್ಲಿ ಸುದ್ದಿ ಪತ್ರಿಕೆ, ಮ್ಯಾಗಜಿನ್‌ಗಳನ್ನೋದಿ ಐಎಎಸ್ ಪರೀಕ್ಷೆಗೆ ತಯಾರಿ ನಡೆಸುತ್ತಿರುತ್ತಾರೆ.
