ನೋಡಿ ಇದು ಎರಡು ಬಗೆ. ಕೆಲವರು ವಿವಿಧ ದೇಶಗಳಿಂದ ಬರುವ ಸಿನೆಮಾಗಳು ನಮ್ಮ ದೇಶಕ್ಕೆ, ನಮ್ಮ ಕಾಲಕ್ಕೆ ಹೇಗೆ ಅನ್ವಯ ಆಗುತ್ತವೆ ಎಂದು ಆಯ್ದು ವಿಶ್ಲೇಷಿಸುತ್ತಾರೆ. ಈ ಸಮಕಾಲೀನತೆ ಎಂಬುದು ಕೂಡ ಸಾಪೇಕ್ಷ. ಆದುದರಿಂದ ನಾನು ಅನ್ಯ ದೇಶಗಳ ಸಿನೆಮಾಗಳನ್ನು ನೋಡುವ ಬಗೆಯೇ ಬೇರೆ. ಲೆಬನಾನ್ ದೇಶದ್ದೋ ಈಜಿಪ್ಟ್ ದೇಶದ್ದೋ ಸಿನೆಮಾ ನೋಡಿದಾಗ ನನಗೆ ಆ ದೇಶದ, ಆ ಕಾಲದ, ಆ ಜನದ ಸಂಕಷ್ಟವೊ, ಸುಖವೊ ನನಗೆ ದಕ್ಕುತ್ತದೆ. ನನಗೆ ಅದೇ ಮುಖ್ಯ. ಈ ದೇಶದ ಸಿನೆಮಾಗಳಲ್ಲಿ ಇಲ್ಲಿನ ಸಮಸ್ಯೆಗಳು ಪ್ರಮುಖ ಸ್ಥಾನ ಪಡೆಯುತ್ತದೆ. ಉದಾಹರಣೆಗೆ ರೈತರಿಕ ನೀರು ಸಿಕ್ಕದೆ ಇರುವುದು ಇಲ್ಲಿನ ಸಿನೆಮಾಗಳ ಪ್ರಮುಖ ವಸ್ತುವಾಗಬಹುದು.