ಮುಂಬೈ: ಹಣಕಾಸಿನ ಮುಗ್ಗಟ್ಟಿನಲ್ಲಿರುವ ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾ ನಾಲ್ಕು ಅಪಾರ್ಟ್‍ಮೆಂಟ್‍ಗಳನ್ನು ಮಾರಾಟ ಮಾಡಲು ಮುಂದಾಗಿದೆ.
ಸರ್ಕಾರಿ ಸ್ವಾಮ್ಯದ ಭಾರತೀಯ ಸ್ಟೇಟ್ ಬ್ಯಾಂಕ್ ರು.90 ಕೋಟಿ ನೀಡಿ ಅವುಗಳನ್ನು ಖರೀದಿಸಲು ನಿರ್ಧರಿಸಿದೆ. ಈ ತಿಂಗಳಲ್ಲೇ ಅದು ಅಂತಿಮವಾಗಲಿದೆ ಎಂದು ಹೇಳಲಾಗಿದೆ. ಏರ್ ಇಂಡಿಯಾಕ್ಕೆ ರು5 ಸಾವಿರ ಕೋಟಿ ನಿಧಿ ಸಂಗ್ರಹಿಸುವ ನಿಟ್ಟಿನಲ್ಲಿ ಅವುಗಳನ್ನು ಮಾರಲಾಗುತ್ತಿದೆ. ಈ ಡೀಲ್ ಬಗ್ಗೆ ಎಸ್ ಬಿಐನ ಎಸ್ಟೇಟ್ ಮ್ಯಾನೇಜರ್ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ್ದಾರೆ.
ದಕ್ಷಿಣ ಮುಂಬೈನ ಪದ್ದಾರ್‍ನಲ್ಲಿರುವ ಐಷಾರಾಮಿ ಫ್ಲ್ಯಾಟ್‍ಗಳ ಮಾರಾಟಕ್ಕಾಗಿ ಕಳೆದ 2 ವರ್ಷಗಳಿಂದ ಪ್ರಯತ್ನಿಸುತ್ತಿತ್ತು. 2 ವರ್ಷಗಳ ಹಿಂದೆ ಅವುಗಳನ್ನು ಇ-ಹರಾಜಿನ ಮೂಲಕ ಮಾರಲು ಯತ್ನಿಸಿದ್ದರೂ ನಿರೀಕ್ಷಿತ ಯಶಸ್ಸು ಸಿಕ್ಕಿರಲಿಲ್ಲ. ಅದ್ಧೂರಿ ವ್ಯವಸ್ಥೆಗಳನ್ನು ಹೊಂದಿರುವ ಪ್ರತಿ ಅಪಾರ್ಟ್‍ಮೆಂಟ್ 3 ಕೊಠಡಿಗಳನ್ನು ಹೊಂದಿದ್ದು, 2,033 ಚದರ ಅಡಿ ವಿಸ್ತೀರ್ಣ ಹೊಂದಿವೆ.
Advertisement