ಯೂರೋಪಿಯನ್ ಒಕ್ಕೊಟದಿಂದ ಹೊರ ಬಂದರೆ ಯೂರೋಪಿಯನ್ ಯೂನಿಯನ್ ಗೆ ಕಟ್ಟುತಿದ್ದ ಸದಸ್ಯ ಶುಲ್ಕ 8 ಬಿಲಿಯನ್ ಪೌಂಡ್ ಉಳಿತಾಯ ಮಾಡಬಹುದು ಹಾಗೂ ಇದನ್ನ ಶಿಕ್ಷಣ ಮತ್ತು ಆರೋಗ್ಯದಂತ ಮೂಲ ಸೌಕರ್ಯಗಳ ಒದಗಿಸಲು ಉಪಯೋಗಿಸಬಹುದು ಎನ್ನುವುದು ಮೇಲೆ ಕಾಣುವ ಅವಕಾಶ ಆದರೆ ಬ್ರಿಟನ್ ಹಾಗು ಯೂರೋಪಿನ ಇತರ ಅರ್ಥ ಶಾಸ್ತ್ರಜ್ಞರ ಲೆಕ್ಕಾಚಾರವೇ ಬೇರೆ ಅವರ ಪ್ರಕಾರ ಉಳಿತಾಯಕ್ಕಿಂತ ವೆಚ್ಚವೇ ಹೆಚ್ಚಾಗುತ್ತದೆ, ಹೇಗೆಂದರೆ, 2014 ರಲ್ಲಿ ಬ್ರಿಟನ್ ಆರ್ಥಿಕತೆ 1817 ಬಿಲಿಯನ್ ಪೌಂಡ್. ಬ್ರಿಟನ್ ಒಕ್ಕೋಟಕ್ಕೆ ಮೆಂಬರ್ ಶಿಪ್ ಫೀಸ್ ಕೊಡುವುದು, ಒಕ್ಕೋಟ ಬ್ರಿಟನ್ ಗೆ ಅಭಿವೃದ್ದಿಗೆ ಕೊಡುವ ಹಣ ಕಳೆದರೆ ಬ್ರಿಟನ್ ಜೇಬಿನಿಂದ ವಾರ್ಷಿಕ 8 ಬಿಲಿಯನ್ ಹೋಗುತ್ತದೆ, ಒಕ್ಕೋಟದಿಂದ ಹೊರ ಬಂದರೆ 0.4 ಪ್ರತಿಶತ ಉಳಿತಾಯ. ಆದರೆ ಒಕ್ಕೋಟ ಬ್ರಿಟನ್ ನೊಂದಿಗೆ ವ್ಯಾಪಾರ ವಹಿವಾಟು ಅರ್ಧದಷ್ಟು ಇಳಿಸಿದರೂ ಬ್ರಿಟನ್ ತೆರುವ ಬೆಲೆ ಉಳಿತಾಯಕ್ಕಿಂತ ಹಲವು ಪಟ್ಟು ಹೆಚ್ಚು. ನ್ಯಾಷನಲ್ ಹೆಲ್ತ್ ಸರ್ವಿಸ್(NHS ) ನಲ್ಲಿ ಕೆಲಸ ಮಾಡುವ ಸಿಬ್ಬಂದಿಯಲ್ಲಿ 5 ಪ್ರತಿಶತ ಯೂರೋಪಿನ ಇತರ ದೇಶದ ಪ್ರಜೆಗಳು ಇವರ ಕೆಲಸ ಬದುಕು ವಲಸೆ ನೀತಿ ಅವಲಂಬಿಸಿದೆ, ಒಕ್ಕೊಟದಿಂದ ಹೊರ ಬಂದ ನಂತರ ವಲಸೆ ನೀತಿ ಬದಲಾದರೆ, 5 ಪ್ರತಿಶತ ಸಿಬ್ಬಂದಿ ತಮ್ಮ ದೇಶಕ್ಕೆ ಮರಳಿದರೆ, ಹೆಲ್ತ್ ಸರ್ವಿಸ್ ನಲ್ಲಿ ಅಸಮತೋಲನ ಏರ್ಪಡುವುದು ತಪ್ಪಿಸಲಾಗುವುದಿಲ್ಲ.