ವಿಲೀನ ಪ್ರಕ್ರಿಯೆ ಬಗ್ಗೆ ಅಧಿಕೃತ ಘೋಷಣೆ ಮಾಡಿರುವ ಐಡಿಯಾ ಸೆಲ್ಯೂಲರ್ ಸಂಸ್ಥೆ, ತನ್ನ ಸಂಸ್ಥೆಯ ನಿರ್ದೇಶಕ ಮಂಡಳಿಯ ಸದಸ್ಯರು ವೋಡಾಫೋನ್ ವಿಲೀನಕ್ಕೆ ಸಮ್ಮತಿ ಸೂಚಿಸಿದ್ದು, ವಿಲೀನಗೊಳ್ಳಲಿದೆ ಎಂದು ಹೇಳಿದೆ. ಜಂಟಿ ಸಂಸ್ಥೆಯಲ್ಲಿ ವೋಡಾಫೋನ್ ಶೇ.45.1 ರಷ್ಟು ಪಾಲನ್ನು ಹೊಂದಿರಲಿದೆ. ಪ್ರಾರಂಭದಲ್ಲಿ ಶೇ.26 ರಷ್ಟು ಪಾಲನ್ನು ಹೊಂದಲಿರುವ ಆದಿತ್ಯ ಬಿರ್ಲಾ ಗ್ರೂಪ್ ಸಂಸ್ಥೆಯ ಐಡಿಯಾ ಸೆಲ್ಯೂಲರ್ ನಂತರದ ದಿನಗಳಲ್ಲಿ ಪಾಲುದಾರಿಕೆಯನ್ನು ಸಮವಾಗಿಸಿಕೊಳ್ಳಲು ಹೆಚ್ಚಿನ ಷೇರುಗಳನ್ನು ಖರೀದಿಸುವ ಹಕ್ಕು ಹೊಂದಿದೆ ಎಂದು ಐಡಿಯಾ ಸಂಸ್ಥೆ ಹೇಳಿದೆ.