ಮುಂಬೈ: ದೇಶದ ಅತಿ ದೊಡ್ಡ ಲೆಂಡರ್ ಎಸ್ ಬಿಐ ಗೃಹ ಸಾಲದ ದರದಲ್ಲಿ 25 ಬಿಪಿ ಎಸ್ ರಿಯಾಯಿತಿ ಘೋಷಿಸಿದೆ.
ಈ ಮೂಲಕ ಎಸ್ ಬಿಐ ನ ಗ್ರಾಹಕರು ಗೃಹ ಸಾಲದ ಮೇಲಿನ ಬಡ್ಡಿಯಲ್ಲಿ 25 ಬೇಸಿಸ್ ಪಾಯಿಂಟ್ ಗಳಷ್ಟು ರಿಯಾಯಿತಿ ಪಡೆಯಲಿದ್ದಾರೆ. 75 ಲಕ್ಷದ ಮೇಲಿನ ಸಾಲಕ್ಕೆ ಇದು ಅನ್ವಯವಾಗಲಿದೆ.
ಇದಕ್ಕೆ ಕೆಲವು ಷರತ್ತುಗಳು ಅನ್ವಯವಾಗಲಿದ್ದು, ಸಿಬಿಐಎಲ್ ಸ್ಕೋರ್ ಆಧಾರದಲ್ಲಿ ಹಾಗೂ ಯೋನೋ ಮೂಲಕ ವ್ಯವಹರಿಸಿದರೆ ಈ ರಿಯಾಯಿತಿಗಳನ್ನು ಪಡೆಯಬಹುದಾಗಿದೆ. ಹಬ್ಬದ ಆಫರ್ ಗಳ ಘೋಷಣೆಯ ವಿಸ್ತರಣೆಯಾಗಿ ಎಸ್ ಬಿಐ 25 ಬಿಪಿಎಸ್ ಗಳ ರಿಯಾಯಿತಿಯನ್ನು ಘೋಷಿಸಿದೆ.
30 ಲಕ್ಷ ದಿಂದ 2 ಕೋಟಿ ರೂಪಾಯಿಗಳ ಗೃಹ ಸಾಲದವರೆಗೂ ಈ ಹಿಂದಿದ್ದ 10 ಬಿಪಿಎಸ್ ನಿಂದ 20 ಬಿಪಿಎಸ್ ವರೆಗೆ ರಿಯಾಯಿತಿ ದೊರೆಯಲಿದೆ. ಯೋನೋ ಮೂಲಕ ವ್ಯವಹರಿಸುವ ಗ್ರಾಹಕರಿಗೆ ಹೆಚ್ಚುವರು 5 ಬಿಪಿಎಸ್ ರಿಯಾಯಿತಿ ದೊರೆಯಲಿದೆ.
