ಸಬ್ ಕ ಸಾಥ್, ಸಬ್ ಕ ವಿಕಾಸ್, ಸಬ್ ಕ ವಿಶ್ವಾಸ್ ಎನ್ನುವ ಘೋಷಣೆ ಈ ಬಜೆಟ್ನಲ್ಲಿ ಆಗಿದೆ, ಇದರ ಜೊತೆಗೆ ಸಬ್ ಕ ಪ್ರಯಾಸ್ ಅಂದರೆ ಎಲ್ಲರ ಪ್ರಯತ್ನ ಕೂಡ ಸೇರಿಕೊಂಡರೆ ಅಲ್ಲಿಗೆ ಭಾರತ 2047ರ ವೇಳೆಗೆ ಮುಂದುವರೆದ ದೇಶಗಳ ಪಟ್ಟಿಯಲ್ಲಿ ಸೇರಿಕೊಳ್ಳುತ್ತದೆ. 2024-25ರ ಜಿಡಿಪಿ 10.5 ಪ್ರತಿಶತ ಎಂದು ಅಂದಾಜಿಸಲಾಗಿದೆ.
ಫಿಸ್ಕಲ್ ಡೆಫಿಸಿಟ್ 24ರಲ್ಲಿ ಜಿಡಿಪಿಯ 5.8 ಪ್ರತಿಶತ ಆಗಲಿದೆ ಎಂದು ಅಂದಾಜಿಸಲಾಗಿದೆ. 25 ರಲ್ಲಿ ಅದನ್ನು 5.1 ಪ್ರತಿಶತಕ್ಕೂ ಮತ್ತು 26ರಲ್ಲಿ 4.5 ಪ್ರತಿಶತಕ್ಕೂ ಇಳಿಸುವ ಸವಾಲನ್ನು ಕೂಡ ಕೇಂದ್ರ ಸರಕಾರ ಹಾಕಿಕೊಂಡಿದೆ. ಇವೆಲ್ಲವೂ ಭಾರತದ ಆರ್ಥಿಕತೆ ಸರಿ ದಾರಿಯಲ್ಲಿದೆ ಎನ್ನುವುದನ್ನು ಹೇಳುತ್ತಿವೆ. ಫಿಸ್ಕಲ್ ಡೆಫಿಸಿಟ್ ಎಂದರೆ ಆದಾಯಕ್ಕೆ ಮೀರಿದ ಖರ್ಚು ಎಂದರ್ಥ.
ನಿನ್ನೆ ಮಂಡನೆಯಾದ ಬಜೆಟ್ ಪೂರ್ಣ ಪ್ರಮಾಣದ ಬಜೆಟ್ ಅಲ್ಲ. ಅದು ಮಧ್ಯಂತರ ಬಜೆಟ್. ಮುಂದಿನ ನಾಲ್ಕು ತಿಂಗಳು ಸರಕಾರಿ ಖರ್ಚಿಗೆ ಬೇಕಾಗುವ ಹಣವನ್ನು ಬಿಡುಗಡೆ ಮಾಡಿಸಿಕೊಳ್ಳಲು ಮಂಡಿಸಿರುವ ಬಜೆಟ್ ಅಷ್ಟೇ. ಹೀಗಾಗಿ ಇದರಲ್ಲಿ ಮಂಡನೆಯಾದ ವಿಷಯಗಳ ವಿಸೃತ ರೊಪವನ್ನು ನಾವು ಜೂನ್ ತಿಂಗಳಲ್ಲಿ ಕಾಣಬಹದುದಾಗಿದೆ. ವಸ್ತುಸ್ಥಿತಿ ಹೀಗಿದ್ದೂ ಜೂನ್ ನಲ್ಲಿ ಬಜೆಟ್ನಲ್ಲಿ ಏನಿರಬಹುದು ಎನ್ನುವ ಸುಳಿವನ್ನು ಈ ಇಂಟರಿಮ್ ಬಜೆಟ್ ಬಿಟ್ಟು ಕೊಟ್ಟಿದೆ. ಆ ನಿಟ್ಟಿನಲ್ಲಿ ಕೆಳಗಿನವುಗಳನ್ನು ಫೋಕಸ್ ಏರಿಯಾ ಅಡಿಯಲ್ಲಿ ಗುರುತಿಸಲಾಗಿದೆ.
ಹೊಸ ಇನ್ಕಮ್ ಟ್ಯಾಕ್ಸ್ ಯೋಜನೆಯನ್ನು ಹೆಚ್ಚು ಜನರು ಬಳಸಲಿ ಎನ್ನುವುದು ಕೇಂದ್ರ ಸರಕಾರದ ಉದ್ದೇಶ. ಉಳಿಕೆಗೆ ಮತ್ತು ಹಣ ಉಳಿಸುವ ಜನರಿಗೆ ಯಾವುದೇ ಇನ್ಸೆನ್ಟಿವ್ ಇಲ್ಲವಾಗಿದೆ. ಖರ್ಚು ಮಾಡುವವರಿಗೆ ಮತ್ತು ಸಾಲ ಮಾಡವುವವರಿಗೆ ಎಂದಿಗೂ ಮನ್ನಣೆ. ಇದರ ಜೊತೆಗೆ ನಾವು ಗಮನಿಸಬೇಕಾದ ಇನ್ನೊಂದು ಅಂಶ ಹಣದುಬ್ಬರ. ಈ ಹಣದುಬ್ಬರದ ಕಾರಣ ನಮ್ಮ ಆದಾಯದಲ್ಲಿ ಬಹಳಷ್ಟು ಏರಿಕೆಯಾಗಿದೆ. ಅದಕ್ಕೆ ತಕ್ಕಂತೆ ಖರ್ಚು ಇರುವುದರಿಂದ ಜನರ ಕೈಯಲ್ಲಿ ಹಣ ಉಳಿಯುವುದು ದುಸ್ಸರವಾಗಿದೆ. ಆದರೆ ಕಳೆದ ಐದು ವರ್ಷದಿಂದ ಟ್ಯಾಕ್ಸ್ ಸ್ಲಾಬ್ ಮಾತ್ರ ಹಾಗೆ ಇದೆ. ನಮ್ಮ ಆದಾಯ ಹೆಚ್ಚಾಗಿದ್ದು ಮಾತ್ರ ಲೆಕ್ಕಕ್ಕೆ ಬರುತ್ತದೆ, ಖರ್ಚು ಲೆಕ್ಕಕ್ಕೆ ತೆಗೆದುಕೊಳ್ಳದ ಕಾರಣ ನಾವು ಕಟ್ಟುವ ತೆರಿಗೆಯಲ್ಲಿ ಬಹಳಷ್ಟು ಹೆಚ್ಚಳವಾಗಿದೆ. ಇದು ಸರಕಾರ ನೀಡಿರುವ ಅಂಕಿಅಂಶದಿಂದ ಸಾಬೀತಾಗಿದೆ. ಇದು ಅವೈಜ್ಞಾನಿಕ , ಕೇಂದ್ರ ಸರಕಾರ ಜೂನ್ ತಿಂಗಳಲ್ಲಿ ಮಂಡಿಸಲಿರುವ ಪೂರ್ಣ ಪ್ರಮಾಣದ ಬಜೆಟ್ ನಲ್ಲಿ ಇದರ ಬಗ್ಗೆ ಗಮನ ಹರಿಸಿದರೆ ಉತ್ತಮ.
ಉಳಿದಂತೆ ಭಾರತದ ಆರ್ಥಿಕತೆ ಸುಭದ್ರವಾಗಿದೆ. ಜಗತ್ತಿನ ಬೇರೆಲ್ಲಾ ಆರ್ಥಿಕತೆಗಳು ನಿಟ್ಟಿಸಿರು ಬಿಡುತ್ತಿರುವ ಸಮಯದಲ್ಲಿ ಭಾರತದ ಆರ್ಥಿಕತೆ ನಾಗಾಲೋಟದಲ್ಲಿ ಸಾಗುತ್ತಿದೆ 2024-2025ರ ಜಿಡಿಪಿ 10.5 ಪ್ರತಿಶತ ವೃದ್ಧಿಯಾಗಲಿದೆ ಎನ್ನುವುದು ಅದಕ್ಕೊಂದು ಸಾಕ್ಷಿ. ಭಾರತ ಇದೆ ವೇಗದಲ್ಲಿ ಸಾಗಿದರೆ ವಿಶ್ವ ಆರ್ಥಿಕತೆಯ ದೊಡ್ಡಣ್ಣ ಆಗುವುದು ಕಷ್ಟವೇನೂ ಅಲ್ಲ, ಮುಂದಿನ ಮೂರು ದಶಕ ಸಬ್ ಕ ಪ್ರಯಾಸ್ ಅಗತ್ಯವಾಗಿದೆ ಬೇಕಾಗಿದೆ.
-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
Advertisement