ವಾರಾಂತ್ಯದಲ್ಲಿ ೯ ಕೋಟಿ ಗಳಿಕೆ ಕಂಡ 'ತಲ್ವಾರ್'

ಮುಂಬೈ: ನೊಯಿಡಾದಲ್ಲಿ ನಡೆದ ಜೋಡಿ ಕೊಲೆ ಆಧಾರಿತ ಸಿನೆಮಾ, ಮೇಘನಾ ಗುಲ್ಜಾರ್ ನಿರ್ದೇಶನದ 'ತಲ್ವಾರ್' ಬಾಕ್ಸ್ ಆಫೀಸ್ ನಲ್ಲಿ ಸದ್ದು ಮಾಡಿದೆ. ಇರ್ಫಾನ್ ಖಾನ್ ಮತ್ತು ಕೊಂಕಣಾ ಸೇನ್ ನಟನೆಯ ಈ ಚಿತ್ರ ವಿಮರ್ಶಕರನ್ನು ಮತ್ತು ಪ್ರೇಕ್ಷರನ್ನು ಒಂದೇ ರೀತಿಯಲ್ಲಿ ಸೆಳೆದಿರುವುದು ಗಮನಾರ್ಹ. ಅಕ್ಷಯ್ ಕುಮಾರ್ ಅವರ ಕಮರ್ಷಿಯಲ್ ಚಿತ್ರ 'ಸಿಂಗ್ ಇಸ್ ಬ್ಲಿಂಗ್' ಬಿಡುಗಡೆಯ ದಿನವೇ ಈ ಸಿನೆಮಾ ಕೂಡ ತೆರೆ ಕಂಡಿದ್ದರು ಬಿಡುಗಡೆಯಾದ ವಾರಾಂತ್ಯಕ್ಕೆ ೯.೨೫ ಕೋಟಿ ಗಳಿಸುವುದರೊಂದಿಗೆ ಗಮನ ಸೆಳೆದಿದೆ.

೨೦೦೮ರಲ್ಲಿ ನೊಯಿಡಾದಲ್ಲಿ ಕೊಲೆಯಾದ ೧೪ ವರ್ಷದ ಬಾಲಕಿ ಅರುಷಿ ತಲ್ವಾರ್ ಮತ್ತು ಕುಟುಂಬದ ಮನೆಗೆಲಸ ಮಾಡುತ್ತಿದ್ದ ವ್ಯಕ್ತಿ ಹೇಮರಾಜ್ ಕೊಲೆ ಆಧಾರಿತ ಈ ಸಿನೆಮಾವನ್ನು ೧೬ ಕೋಟಿ ಬಜೆಟ್ ನಲ್ಲಿ ನಿರ್ಮಿಸಲಾಗಿದ್ದು, ಬಿಡುಗಡೆಯಾದ ಶುಕ್ರವಾರ ೩ ಕೋಟಿ ಗಳಿಕೆಯನ್ನು ಕಂಡಿದ್ದರೆ ಶನಿವಾರ ಮತ್ತು ಭಾನುವಾರ ಕ್ರಮಾವಾಗಿ ೨.೭೫ ಕೋಟಿ ಮತ್ತು ೩.೫ ಕೋಟಿ ಗಳಿಕೆ ಕಂಡಿರುವುದಾಗಿ ಹೇಳಿಕೆ ತಿಳಿಸಿದೆ.

ಈ ಮಧ್ಯೆ 'ಸಿಂಗ್ ಇಸ್ ಬ್ಲಿಂಗ್' ನ ಮೂರು ದಿನದ ಗಳಿಕೆ ೫೪.೪೪ ಕೋಟಿ.