ರೈತರ ಆತ್ಮಹತ್ಯೆ ಗ್ರಾಮ ದತ್ತು ತೆಗೆದುಕೊಳ್ಳಲಿರುವ ನಟ ಆಕ್ಷಯ್ ಕುಮಾರ್

ಮುಂಬಯಿ: ಮಹಾರಾಷ್ಟ್ರದ ಯಾವತ್ಮಾಲ್ ಜಿಲ್ಲೆಯ ಗ್ರಾಮವೊಂದನ್ನು ದತ್ತು ತೆಗೆದುಕೊಳ್ಳಲು ಬಾಲಿವುಡ್ ನಟ ಅಕ್ಷಯ್ ಕುಮಾರ್ ನಿರ್ಧರಿಸಿದ್ದಾರೆ.

ಇತ್ತೀಚೆಗೆ ನಟ ಅಕ್ಷಯ್ ಕುಮಾರ್ ಮಹಾರಾಷ್ಟ್ರ ಹಣಕಾಸು ಸಚಿವ ಸುಧೀರ್ ಮುಂಗತಿವರ್ ಅವರನ್ನು ಭೇಟಿ ಮಾಡಿ ಹೆಚ್ಚು ರೈತರು ಆತ್ಮಹತ್ಯೆ ಮಾಡಿಕೊಂಡಿರುವ ಯವಾತ್ಮಲ್ ಜಿಲ್ಲೆಯ ವಿದರ್ಭಗ್ರಾಮವನ್ನು ದತ್ತು ತೆಗೆದುಕೊಳ್ಳುವ ಸಂಬಂಧ ಸಮಾಲೋಚನೆ ನಡೆಸಿದ್ದಾರೆ.

ಈ ಸಂಬಂಧ ಹಣಕಾಸು ಸಚಿವ ಜಿಲ್ಲಾಧಿಕಾರಿ ಅವರೊಂದಿಗೆ ಚರ್ಚೆ ನಡೆಸಿ ಹೆಚ್ಚು ರೈತರು ಆತ್ಮಹತ್ಯೆ ಮಾಡಿಕೊಂಡಿರು ಗ್ರಾಮವನ್ನು ಸೂಚಿಸುವಂತೆ ತಿಳಿಸಿದ್ದಾರೆ, ಅದರಂತೆ ಪಿಂಪಿರಿ ಬುಟ್ಟಿ ಎಂಬ ಗ್ರಾಮವನ್ನು ಅಕ್ಷಯ್ ಕುಮಾರ್ ಅವರಿಗೆ ದತ್ತು ನೀಡಲು ಎಲ್ಲಾ ಸಿದ್ಧತೆಗಳನ್ನು ನಡೆಸಲಾಗುತ್ತಿದೆ.  ಆದರೆ ಈ ಸಂಬಂಧ ಪ್ರತಿಕ್ರಿಯೆ ನೀಡಲು ಅಕ್ಷಯ್ ಕುಮಾರ್ ಕಚೇರಿ ನಿರಾಕರಿಸಿದೆ.