ರಾವಣನ ಪಾತ್ರದಲ್ಲಿ ಸೈಫ್ ಅಲಿ ಖಾನ್

ಮುಂಬೈ: ಬಾಲಿವುಡ್‌ನ ಛೋಟಾ ನವಾಬ್ ಸೈಫ್ ಅಲಿ ಖಾನ್ 'ಆದಿಪುರಷ್' ಚಿತ್ರದಲ್ಲಿ ರಾವಣನ ಪಾತ್ರದಲ್ಲಿ ಕಾಣಿಸಲಿದ್ದಾರೆ.

ಅಜಯ್ ದೇವಗನ್ ಅವರೊಂದಿಗೆ 'ತಾನ್ಹಾಜಿ - ದಿ ಅನ್ಸಂಗ್ ವಾರಿಯರ್' ಎಂಬ ಸೂಪರ್ ಹಿಟ್ ಚಿತ್ರ ಮಾಡಿದ ಓಂ ರೌತ್, ಈಗ ಬಾಹುಬಲಿ ಖ್ಯಾತಿಯ ಪ್ರಭಾಸ್ ಅವರೊಂದಿಗೆ 'ಆದಿಪುರಷ್' ಚಿತ್ರವನ್ನು ನಿರ್ಮಿಸಲಿದ್ದಾರೆ. ಇತ್ತೀಚೆಗೆ ಈ ಚಿತ್ರದ ಪೋಸ್ಟರ್ ಬಿಡುಗಡೆಯಾಗಿದ್ದು, ಇದು ಪೌರಾಣಿಕ ಚಿತ್ರವಾಗಿರಬಹುದು ಎಂದು ಅಂದಾಜಿಲಾಗುತ್ತಿದೆ. 

ಈ ಚಿತ್ರವು 3 ಡಿ ಆಕ್ಷನ್ ಡ್ರಾಮಾ ಹೊಂದಿರಲಿದೆ. ಈ ಚಿತ್ರ ಹಿಂದಿ, ತೆಲುಗು, ತಮಿಳು, ಮಲಯಾಳಂ ಮತ್ತು ಕನ್ನಡ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ರಾಮಾಯಣದ ಪಾತ್ರವೂ ಇರುತ್ತದೆ ಎಂದು ಹೇಳಲಾಗಿದೆ.